Mahtma Gandhi mitkharh lilam ding!

TOI/New Delhi, 13-02-09: India pabik tiih kawh Mahatma Gandhi ih mitkharh, kedam, suimilam (nazi) le pakan pawl cu New York khaw lipi ah lilam (zuar) dingin Antiquorum Auctioneers ih Michelle Halpern cun a phuang. Gandhi ih mitkharh hi a thupibik lilam dingih ruahmi a si.

Culo, a kedam, nazi le pakan pawl cu nepnawi deuh ih ret an si. Hi Gandhi mikhap le thildang pawl hi mi pakhat ih rak khawlkhawmmi a si tin Michelle Halpern cun a sim. Zingzawngtu pawl ih sim daan ahcun Gandhi a dam lai ah India ralkap Colonel hnen ah a mitkhar cu tongkam thawn a rak roh ta.

Cui, a rak tongmi cu “Hi ka mitkharh hin India zalen leh ding in hmuhnak I pe a si” tin a rak roh ta mi a si.  Cun, a kemdam cu 1993 ahkhan British officer ralkap pakhat hnen ah Gandhi cun a rak pek. Cun, a zalte ih arak pai theumi nazi, kedam le pakhan cu a sungkha nunau pawl a rak roh tami a si. Gandhi sungkhat pawl cun ‘Gandhi hin thilri tampi a nei lo ih, hi a thilri pawl nasa tak ih lilam ding a si cu kan lungawi zet’ tin an sim. Hi a thilri man pawl cu pound 30,000 hnak ih tam a si ding thu khal phuan tel a si.

Asinan tuini Date 13-02-09 zingah India MP le party hotu pawl cun Gandhi thilri pawl lilam ding an sianlo zet thu an phuang. A cangthei a sile, India cozah khal lilamnak hmun ah telve seh, India ro sunglawi cu kan la kirsal a tul, kan lak kir sal theilo le milian kut ah a thleng ding. Kan ram India hrangih a sunglawi zetmi kan ro sunglawi cu lak kirsal tum cio uhsi tin North East Minister Panhcayati Raj Mani Shankar Aiger in a sim.

Comments

comments

Comments

%d bloggers like this: