Mahlawng In Ni 40 Ah Tikhur Laisuak

13096007_1118480681549309_1316565982676194351_n
India ram tidai harnak ih a ciim cuahco rero laifang ah Bapurao Tajne ih nupi cun an sungkua rawl suannak ding hrang tidai khai ve dingin midang lakah a tlar aw ve. A khai ding caan a thleng. Sinan tikhur neitu pa in, miphun nauta le mifarah, Dalit miphun an sinak ruangah tidai khai a rak siang ve lo. Riah sia zet in inn ah a tlung ih a pasal hnenah a sim.

A pasal cu a riahse zet ih thuukzetin thu a ruat hnu ah thutluknak khohkhazet a tuah ih a pok suak cih. An khaw zate hrangah tikhur lai dingin a timtuah cihih, Tajne cun a umnak khawte ihsi naibiknak ih dawr ah feh in thiltul pawl a va lei. Nitin an hlawh cop mi ringih nufa cawm a si ruangah sunvu cu tikhur a lai theilo. Curuangah a manawl caan tinte in a laiih nikhat ah a malbik sml 4 sung caan pe in a lai.

Bible sung ih Noah thuanthu bangin, an khaw mipi pawl in an hnihsan rero. A nupi khalin na hlawhtling cuang lo ding tiin a ti. Sinan a tumtahnak cu hlawh tling dingin karkhat te hman dung siip lo in, zingtin tuanten thoin, midang pawl hnakin baang deuh le tam deuh in a tuan bet sinsin.

Pacang tha pa 4-5 laiih an laih theu mi tikhur laih cu ruah men khalah harsatnak tampi a tuar ding ti cu a fiang zet. Tikhur lai dah mi khal a si lo ruangah harsatnak dangdang a tuar.

Asinan a tumtahnak cu hngetzet in a kai ih ni 40 a hawng liam cun tidai a tong ngah ta riai mai. Hnatuan ka thok hlanah ka tumtah mi Pathian hnenah thla ka cam ih ka tumtahnak cu Pathian in in theihsak ih tu ahcun kan khaw mipi zate hrangah tikhur ka lai suak thei zo tiin an khaw mipi pawl hnenah lungawi thu a sim.

India hin tuikum ah tidai ro carnak nasa ngaiten an tuar ih an khawpi New Delhi rori khalah tidai in ding harsa zet in an um. Hi tidai harsatnak ihsin tumtahnak hnget zet neiih zuamtu hi Washim district ti mi khawte pakhat ih rak um ve mi a si.

Tu ih a laihsuak ngah zo mi tikhur hi feet 15 ih thuk a siih feet 5 thuuk in laih bet a tum. A kauh lam hi feet 6 ih kau in a lai thok nan feet 8 ih kauhter a tum. An khua kiangkap pawl ih tikhur a kang rero lai ah a laihsuah mi tikhur cu a kang ve lo.#

Comments

comments

Comments

%d bloggers like this: