Mah Zawn Ruat Lo Duhdawtnak

November 11

Tlawngkai Nili

Mah Zawn Ruat Lo Duhdawtnak

Siar:

Filipi 2:20-30

Ziangahtile Khrih hrang hnattuannak le nanmah ih in pek thei lomi bomnak kha pe dingah a nunnak hman ruat loin a ttuan ih a nunnak tiangin a cemzik a si.    – Filipi 2:30

Kumkhat Sung Baibal:

–   Jeremiah 50

–    Hebru 8

2007 kum December 4 ni ah kum 19 mi ralkap pakhat Iraq ram ih hna va ttuantu pa in inn luanglu ihsin an run denmi bomb pakhat a hmu. A peeng ah va puak dingin kahpet a tum nain a mawttaw sungah a rung tlak. Dawp ih luat theinak caan a nei nain cuih bomb cu a ruangpum in a nen ih a rualpi ralkap pali pawl ih nunnak cu a ruun suak.

Kaa ih simfiang thei lomi hih pumpek awknak hin Bible ih a simmi zumnak le theihnak nasazet hnak ih a sunglawi sawnmi duhdawtnak thei thei dingah in bawm (1 Korin. 13:1-3).

Hivek duhdawtnak cu hmuh ding a har. “Midang cu anmai’ hrang lawnglawng an ruat ciarih Jesuh Khrih hrang an ruat lem lo,” (Filipi 2:20-21) tiah Paul a riah a sia. Curuangah a hnattuan bawmtu Epafroditas parah a lung a awi. “A nunnak hman ruat loin a ttuan ih a nunak tiang in a cem zik a si,” (Filipi 2:30) a ti.

Midang hrangah nunnak pek ding kan ruat thei lo asile Epafroditas in zohtthim ding in hmuh. Cuvek duhdawtnak cu kanmai’ hnen ihsin suakmi a si lo. Pathian ih in tuah sak vekin mi hrangah tuah duhnak thinlung le tuah theinak thazaang in petu Thlarau Thianghlim hnen ihsin a rami a si.   – Mart De Haan

Midang hrangih pek awk cu,

Tuah harmi thil a bang;

Hmanseh na theih fiang theinak dingah a si,

Pathian duhdawtnak in nangmah ihsin hna a ttuan. – Branon

Midang hnenih na langtermi duhdawtnak cu

Pathian na duhdawtnak tahfung a si.

(Visited 22 times, 1 visits today)

Comments

comments

Comments

%d bloggers like this: