Mah Nuam-awknak Laksawng

 

 

May 16

Zarhte Ni

 

Mah Nuam-awknak Laksawng

 

Siar:

Ezekiel 16:48-56

 

Amah le a fanu pawl cu ei ding ti-rawl tampi an nei ih hnangam le thindai te’n an um ruangah an puarthau: asinan mifarah le nauta cu zianghman ah an siar lo.      

-Ezekiel 16:49

 

Kumkhat Sung Baibal:

   2Siangpahrang 24-25

   Johan 5:1-24

 

London ih thil phunkim zuarnak dawrpi in, “Mah nuam-awknak laksawng” timi thuken thawn laksawng card thar an tuah ih mi in thei thluh dingin an tuah. Cuih laksawng card  cu zarhkhat sungah an zum hnakin tamsawn an khawng. Cuih card thar cun tirhsiangzet in mai’ duhdawt mi hrangah nuam-awknak thilri mi a leiter ih mah hrang khal ah tthuktthun lo te’n thillei a olter.

           

Profet Ezekiel in minung pawl anmai’ nom zawng ih an nun ruangah an khuapi ah Pathian thutthennak an tuar ding thu a sim. “Amah le a fanu pawl cu ei ding ti-rawl tampi an nei ih hnangam le thindai tein an um ruangah an puarthau; asinan mifarah le nauta pawl cu zianghman ah an siar lo. An hngal ih an thinlung a ruh ruangah le ka huat zawng thil an tuah ruangah na theih vekin ka siatsuah ttheh a si” (Eze. 16:49-50).

           

Pathian in a minung pawl lungruh, nei hleifuan le mi zawnruat loin an um tikah nun a sim hngai (c. 49). Mahte lawng nuam awk timi tur-sia khamnak cu Pathian lungawiter duhnak le mah le mah si loin midang rian duhnak thinlung ttha neih hi a si (Filip. 2:4).

           

Kan ttul lomi laksawng – mahte nuam awk.

 

Mihrek cu thinnau le thlaphang in an um,

Tusun ah midang bawm aw;

Vanram zin feh hramthok pakhat tal um dingin,

Tusun ah midang va bawm aw.

 

Khrih kan rian deuhdeuh le mah le mah kan rian aw mal deuh.

(Visited 26 times, 1 visits today)

Comments

comments

Comments

%d bloggers like this: