Mah le mah Ngaidam aw

September 9
Zarhpi Ni

Mah le mah Ngaidam aw

Bible Siar Ding: 1 Timote 1:12-16

Khrih Jesuh cu misual rundam suak dingah leilung ah a rung ttum timi hi a dikmi ttong a si ih famkimzet ih zum tlak le pom tlak a si. Cuih misual pawl lakah kei hi misualbik ka si. – 1 Tim. 1:15

Leilung tlun ih mi hmuahhmuah lakah aa emem ih cangvai, mi hnaihnok, le thil borhhlawh tuah in ka bulpak sinak buaipitu, ngaithiam dingih harsazetmi minung cu keimah hi ka si ko ding. Himi thu ah keimah lawng cu ka si ve lemlo men thei.

Ka rualpi nu pakhat in atu naite ahkhan a liam ciami kum rei lo te ih thil a rak tipalhmi thuhla ah ziangti’n amah le amah a ngaidam aw thei ding timi thu in sut. Pathian hnen ihsin le a minungpi pawl hnen ihsin cun ngaidamnak a co zo, asinan a thil tuammi le atak ih a cangvaihnak pawl in a thinlung sungah atu le tu ttihphannak a suahter. Ziangtluk in a zuam rero khal le amah le amah cu a ngaidam aw thei hrimhrim lo.

Pathian in veikhat in ngaidam zo ih kanmah te’n neta thil kan ti palh saal asile cu sual ngaidamnak cu ziangtite khal in a cang thei nawn lo ding sikhawh ti’n kan ruat ttheu. Himi hi mi pakhat in hiti’n a rak sim dahmi vek a bang, “Hramlak rangttial (zebra) khazan zawng (purple) thu cu ruat nawn hrimhrim hlah.” A si, hmakhat duak ahcun hramlak rangttial (purple zebra) thu kan ruat saal pang ttheu! Hngilh dingin kan zuam awk tikah kan thinlung sungah ttihnung raapthlakza in a taang deuhdeuh sawn.

Tirhthlah Paul in a liam cia caan ih a nunnak cu hngilh thei dingin a zuam aw ciamco lo. Cu ai ah anih cun Pathian ih zaangfah lainatnak le ngaidamnak a tum zia theih fiangnak ah a hmang sawn. A liamcia caan ih Pathian ih in ngaidamnak in tuni ih kan nunnak sungih hna a ttuan tikah hngilh dingin zuam ciamco hlah. Cuhnakin, cumi cu Pathian ih mizia, a sinak le a mi ngaidam thei zia a lo theihter saaltu ah hmang sawn aw.

Vancung ih um kan Pa, In ngaidamnak cu ka sualnak hnakin a tumsawn ringring ruangah lungawithu ka lo sim.

Sual ngaidam zomi ka si ti ka ciinken ringringnak cu tuni ih Pathian thawn kan pehtlaih awknak caktertu dingah ziangti’n ka hmang thei pei?

@Pennington

(Visited 18 times, 1 visits today)

Comments

comments

Comments

%d bloggers like this: