Mah le Mah Bum-aw-tu

14203194_1169525556438060_1398644096215341541_nSang tuahtui’ hnenah cawhnawi mankhan (butter) pound khat a va zuar ttheutu lothlopa pakhat a um. Ni khat cu, sangtuahtu in cawhnawi makhan pound khat kim rori a ngah le ngah lo theih duh ah cuai a rak thlai. Cutikah pound khat a kim lo ti a hmu.

Curuangah sang tuahtu cu a thin a heng ih lothlopa cu thutthenzung ah a hek. Thutthentu in lothlopa cu khingkhainak ci khatkhat a hmang maw tiah a sut. Cutikah lothlopa cun, “Bawipa, kei cu zianghman thiam lo ka si ih, khingkhainak khal ka nei lo. Asinan a tah ih tahnak ci khat cu ka nei,” tiah a sawn.

Cutikah thutthentu in, “Asile na cawhnawi makhan kha ziangtin na tah?” tiah a sut. Lothlopa cun, “Bawipa, sang tuahtu in ka cawhnawi makhan i rak lei hlan reipi ihsi khan, kei cun ni tinte’n amai hnen ihta pound khat ih rit mi sanghlom ka rak lei ringring. Ni tinte’n sang tuahtu in sanghlom a rak ken tikah, cumi cu ka thil tahnak ah ret in, cumi tluk ciah ih rit mi cawhnawi makhan cu amah ka pe ve ttheu. Himi thu ah mawhthluk ding mi kan hawl a si ahcun, sang tuahtu hi a si sawn ding,” tiah a sim.

Kan nun ahhin, kan pek zat ciah hi kan ngah sal ttheu. Vei hnih-khat te thil dik lo kan tuah mi hman khi a poi lo ti theih a si lo. Ziangahtile tlaitluanlonak (dishonesty) timi hi zongsang a ol ngaingai. Mi tthenkhat cun tlaitluanlonak timi hi a zir in an zir ih, mithmai danglam lo riai in thuphan an per thei. Midang lala cun thuphan an per tam tuk lawmam ih, thudik cu ziang a si ti hman an thei nawn lo. Asinan an bum ngah mi taktak cu zo a si? – Anmah le anmah an bum aw rero a rak si sawn.

Hram: The Living Treasure – Short Inspirational and Moral Stories.

Sianglianuk Kianghrol

(Visited 26 times, 1 visits today)

Comments

comments

Comments

%d bloggers like this: