Macau Ah A Vei 1nak Chin National Day Hmang Ding

Chinaram Macau ih Chinmi pawl cun an hrangih a vei 1nak Chin National Day cu Febuary 11, 2018 sun, Kampek Comunity Centre ah sunhnu 1pm in 5pm tiang
an hman tum thu theih a si.

Kum 2012 hrawngah kan Chinmi mipahra hman kim lo cu Macau ah hnațuan in an rak thleng. Kum 2014 ihsin mi an rung hnih thum ih 2014 June 29 ah Chin Christian Fellowship macau tin pawkom awknak an nei thok. Cumi kum ihsin kan chin kumthar fang-er puai le Christmas tivek kan laimi puai cu hman thei a rak si ringring. Asinan CND hi cu Tui kum 2018 hi a voikhat an hman nak ding a si thu Chinland Today cun thuthang kan thei.

CND hmang ding ih tawlreltu pawl hi Chin Christian Fellowship ih țuanrel committee an si thu, a ni cekci ahcun off thei a malaw tuk ding ruangah a remcan lo thu, a ni naihbikmi ni 18 sun ih tuah ding ti khalle anmah Chinese new year fang a si ruangih a remcan lo thu le Chinmi zaten ni 11.2.2018 ih hmantlang ding remcang bikih an ruah ruangih tuan zet ih an tuah tum thu pawl khal theih a si.

Macau ih um Chinmi 1000 tluk sungin talent nei zetzet pawlin anmah le talent comi tete an hmuh ding duhsaknak ruangah Khuallian sawm hleicemi an neih lo thu khal theih a si. Lailaam, hlasak a phunphun thawn hlunghlai takin hman a si ding ih HongKong ih kan Chinmi Bible tlawngkai Pastor pawl khalin an hmanpi ding thu pawl theih a si.#

(Visited 55 times, 4 visits today)

Comments

comments

Comments

%d bloggers like this: