LZP, Kalay In A Voikhatnak EC Meeting Nei

image-c7b42d3b7932126d1a3438da47c00e6201bddf2c170256c06a2943ca6e8ac2bc-V
Salai Van Thawng Thang
Chinland Today Media

March 9, 2014 (Cawlhni) sunah, Lairawn Zirsang Pawkom, Kalay cun a voikhatnak EC Meeting cu Youth Center ah tluang te’n neih suak a si. Hi Lairelnak ah, Khaw 7 ihsin Palai 11 an suak khawm thei thu theih a si. Relcatmi thu pawl cu;
(1) Outreaching Mission cu August 2-3, 2014 ah Aungyua Khua ih nei dingin rel a si. Outreach Mission ih an tuah ṭheumi pawl cu; Tlawngta hman thilri(Cabu, Ballpen,…) va pek, dam lo pawl a lakih tuam hlawm(Medical Treatment) le Zirnak lam forhfialnak le thazaang peknak neih tivek pawl neih ṭheu a si.
(2) LZP hminin Pocket Calendar cu March thla cem hlanah Ks. 200 ih zuar theihmi copy 1000 tuah dingin an ret catih, rak Design tu dingah Jesse Penn-Lewis cu ṭuanvo pek a si.
(3) Kum tinte’n Chin cangantu sersuahnak ah ti-in, LZP hminih Cangan zuam-awknak an tuah ṭheumi cu tui’ kum khalah tuah sal ding a si-ih, mah le duhmi thupi(thulu) cio ngan theih a si. Prose(Catluang) le Biazai(Poetry) zuam-awk ding a si-ih, Prose(Catluang) Zohdiktu dingah Mai Sokhlei Par le Salai Lal San Luai(Papu Luai), Biazai zoh diktu dingah Kianghrol Hmingte(Siang Lian Uk) le JC Kip Ling (Jesse Penn-Lewis) pawl ruat(hril) an si. Laksawng pek dan ding cu, a pakhatnak ah 10,000 Kyats, pahnihnak 8,000 Kyats, pathumnak ah 6,000 Ks. pek ding an si. Hi Ca pawl hi May thla cem hlanah Mah le Branch OB pawl hnenih ap ding a si-ih, Branch OB pawl in Central OB kutah pek sal ding a si. Mi pakhat ih Biazai le Catluang a pahnih in zuam cih theih a si.
(4) LZP kor(uniform) tuah dingin rel a si.
(5) LZP cu Acozah ah Hmat-Pung-Ṭin dingin Senpi Lairel nakih nemhnget cia a si zo vekin, a rang thei bikin ṭuanvo neitu pawl in tawlrel dingah rel a si-ih, Salai No Hmung(Shih-Ni) in rak bawm dingin ṭuanvo pek a si.
(6) Senpi tonkhawmnak ih remmi Daan pawl cu Daanbu thar suahih tuah dingah an relcat.
(7) LZP Central Secretary, Salai Henry Van Biak Lian cu hmundang ih a hnaṭuannak ruangih cawlh a dilnak cu First EC Meeting in an pompi ih, Asst. Secretary Salai Van Thawng Thang cun Secretary ṭuanvo la in, Asst. Secretary hrangah Salai Cyrus Van Tawk Thang an hril thu theih a si.

Comments

comments

2 Comments

  1. Kan Calai, Ttong le miphun khaisangtu ah
    Pathian in LZP lo hmang vivo seh law!

  2. Pathian in kan Calai, Ttong le miphun
    tthangso ter vivo tu ah lo hmang seh
    law!

Comments

%d bloggers like this: