LZP In Pu Tial Khal Sunlawihnak Ro Capi HLan

Lairawn Zirsang Pawlkom (LZP) cun Pu Tial Khal Sunlawihnak Ro Capi an hlan.

Hi, Ro Capi an hlannak sanbik cu kan dunglam kum ziangmawtizat ahkhan Lai Dictionary Cabu thazet a rak ngan suah ruangah a si.

Pu Tial Khal ih Lai Dictionary Cabu nganmi hi Chinmi hrangah ro lungphun pakhat a siih thangthar nonawn pawl cun kan tulzet ih kan tul vivo lai ding ruangah hivek rak tawlrelsuaktu cu sunlawih upat tlak rori asi tiah LZP pawlcun upatnak an rak hlan a si.

Pu Tial Khal, khalcun hi Lai Dictionary Cabu copy a lak ih a rak tuahsaktu Dr. Run Bik hnenah a lungawinak a hlan sawng ve. Cun, ram dang ihsi rualpi tangrual ih sumpai a kuattupawl hnen khalah Pu Tial Khal cun a lungawithu mithmai panten’ a sim.

Lairawn Zirsang Pawlkom cun Pu Tial Khal ih Lai Dictionary Cabu an zohhliah tikah Laica zirnak le Chin mipi tong zirnak hrampi ih hman tlak asizia pawl an hmu suak lawngsiloin tonglam ih in humhualhtu a si tin an hmusuak.

Lairawn Zirsang Pawlkom hotu Sen Ro Sang le Salai Lal Ram Lian pawl khalin tlawngtapawl hnenah hi Lai Dictionary Cabu a thupitnak thupizetin an tarlang bet.

Pu Tial Khal cun hi Sunlawihnak Ro Capi a ngah lungawithusimnak le a rualpi bawmtu zate parih alungawinak pawl langternak ah tin mani 9 November 2010, New Delhi ih a umnak hmun ah lungawithusimnak puai a tuah. Hi a lungawithusimnak ah a rualpi tha sungkhat unau tawkfang nawn a sawm tel.

Hi, Sunlawihnak Ro Capi hi kan dung kum, 5 December 2009 ih rak hlan zomi asinan Pu Tial Khal ramleng ih um asivekin a hnen a thleng lohli theilo.  Mani ah sunglawi takin hi capi hi a kut nemte thawn a donsawng ngahzo thu New Delhi ih kan CT palai hnen ah an rak sim thei.

Pu Tial Khal hi CNF founder asi.

(Visited 36 times, 1 visits today)

Comments

comments

10 Comments

  1. LZP nan ti ttha tuk, sunloih tlak mi sunloih cun simh a ttul mi khal va sim hi ka uar zawng asi. ka ruahnak. lungawi.

  2. Pu Tial,

    Ka lo lungawi pi zet. Hnam le miphun na duhdawnak hrimhrim ah cawisang tlak na si.

    Duhsaknak thawn,
    Piangte

  3. H.Sui Lian Mang says:

    LZP Hruaitupawl,

    Upat sunloih ding tlak nan sunloih mi hi kan lo lungawipi zet ih tui hnu khal ah sunloih tlak cu sunloih vivo ding tha ka lo pe duh hai.

    Pu Tial Khal,

    Congratulations! Ka lo lungawipi ih Pathian in kan Chin mipi hrangah thlawsuah lo pe vivo hram seh.

    H.Sui

  4. Dear H. Sui,

    Calai na duhzet ih ka lo upatzet.
    “Sunloih” siloin “Sunlawih ” ti in kan ngan ah a dik sawn ding.
    Ziangahtile “sunglawi” ihsin a ra mi a si. A root kan zoh thiam a tul.

    Lungawi,
    Pathuam
    =======

  5. Saithantluanga Tuallawt says:

    Pu Tial

    LZP in cawimawinak Capi an lo pe cu ka lo lungawipi zet. Pathian miphun na duhdawtnak na miphun pawl thinlungah a thei fiangtir vivo tin ka ruat.

    A reng reng thuah LZP hi si thiam ka ti bik. Falam Laimi in Politic hma kan sawn pauh len Pu Tial ih miphun a rak duhdawtzia kan thei fiang sin sin ding ih cawimawi a hlawh sin sin ding, ca duh vekin a thiam lo lawngte amah khalin pawi a ti zet. Falam laimi in Literature hma kan sawn pauh len Dr. J.H Cope ngaisannak cang kan thiam vivo ding ih cawimawi a hlawh vivo bawk ding. Ni khat khat ah Falam Laimi calai lam ah laksawng kan pe aw thei a si len ” Dr. J.H Cope Award ‘ ti tla mino pawl in an run ti lai ding.

    Politic ti fam cu hlawhtling theih a si vekin hlawhtling loh theih khal awl te a si. Politician hlawhtling lo miphun duhdawt tu ngai ngai cu an thuanthu a ral thei cuang lo.

  6. Pu Tial Khal hi kan Chin mipi hruaitu lakah “unsung hero” asi tin ka hmu ve.
    A initiate lakmi le a scarification a nasa tuk aw.
    =============================

    Sunloih-Sunlawih ti sawn ding ti kha atha ngaingai.
    Cangan hi a har nasa.

    Zabeng-kut beng tivek…
    Sammet -lu met tivek….

  7. LZP hruaitu pawl nan thiam in ngaisan tlak zet nan si ti nan hnatuan mi leh Sunlawih tlak nan Sunlawih thiam mi par ah Lungawi za ngaingai a si.

    Ka Pu Tial, ka rak lungawi tuk ve. Pathian in lo um pi in lo kilveng hram seh.
    Miphun hrang ih na rak pum pek awk nak leh na hnatuan mi pawl hi thangthar in an run thei fiang vivo ding ih an lo upat thiam sinsin leh ding zum nak ka nei.

    Lungawi,
    Parte

  8. Upatmi Pu Tial,
    Cawimawinak Capi ZNP hruaitupawl in an lo hlan cu ka lo lungawi pi ve tuk! A timlam tu pawl thu nan thiam ka ti zet. A dawngtu Pu Tial khal upat le sunlawih tlak hrimhrim na si. Hi cawimawinak hi a timlamtu in an thiam bang tukin a dawngtu khal hin na rak phu hrimhrim a si. Na nun ih tawnteh mi pawl thuhla ngannak cabu ra suak ding mi hngakhlap zetin ka rak thlir ve.
    Cung Pathian in na san sau ter sinsin seh la kan miphun le ram hrangah zoh?himtlak Pa si kumkhua hram aw!
    Duhsatnak Sangbik thawn….

    Henry Tuallawt

  9. Cawimawinak petu kha LZP ti sawn ding a si.

  10. Pu Tial cu ka lungawipi ve nasa. Hi tivek ih, Sunlawih tlak Pa Ropi (maksak) kan neih mi sunglawi zetih Sunlawih thiamtu LZP ih hnatuannak hi zohthim tlak a si. Ka lungawi tuk ve……. (A peh tlai-aw ciah lo nan, …… Pathian ramih in fehsan zotu Rev. Nungkam kha kan Lai Mi lakah cun sunlawih tlak Pa pakhat a si. Langsar zetih sunlawihnak pek a rak si lo kha a poii ka ti zet. [Pek a rak si nan ka thei lo pang a sile in ngaidam hram uh]. Kan miphun lakih sunlawih tlak mi pawl cu ui lo leh sup lo ten sunlawih vivo uh si…. Thiante

Comments

%d bloggers like this: