Lungrualnak… Buainak hrampi…

By- Salai Star

Fim hawlnak (Vai khawpi)

U nau Pa Pathian ih thluasuah pektlak kan si maw?

Tunaite…November thlasung ah Duk-Khah-Te pawl hrang lungrualnak, hlimnak, nomnak hrang tiin… tlunlam ih upa pawl in “Sport Days” nili sunglai paisa tampi cem in an tuahsak.

Thinlung picang le mi cangkang deuh pawl cu an leh daan zoh ahhin a mawi,

an thinlung a thiang ih pakhat le pakhat an pah aw pang khal le….

Sorry… an ti aw ih an kai tho aw… zoh a mawi tuk.

Asinan a sungih lektu pawl hnak in a lenglam ihsin zohtu pawl hin anmai’ tannak lam an sun tikah an thinheng ih a sungih mawi le rem ih lektu pawl kha hnai an hnok… buai cercer si ko.

Mi dang ih khua le ram ah kan um, Pathian zumtu miphun/hnam kan si… hitivek thil cang hi cu a zahthlak tuk lo maw?

Laimi pawl kan umnak cio ah Pathian thu ruangah siseh, Hrinhnam zate pawlkomnak ti’n a phunphun in hmel theih kauhsinnak hrangah… leknak a phunphun kan tuah…

A rah kan hmuh suahmi cu buainak le huatawknak hi a si.

Pathian thluasuah pektlak kan si maw?

A tlangpi thu in kan thlir tikah miburpi kan umnak poh ah buainak a um hi cu kan theih cio a si… asinan… hih buainak a can ttheumi kham theitu cu zumtu nangmah le keimah (personal) hi a thupibik.

Midang in lungkim lo zawngin a lo ti pang khal le ngaithiam thei sehla…

cuticun mi pakhat fingfing in ngaithiam theinak (Bawi Jesuh ih in zirhta mi) hi nei thei sehla cu ziangtluk in kan nuam/thangso ding.

Pathian ih thluasuah pek tlakmi miphun/hnam ah kan cang lo ding maw.

“We Are One in Chin”

le

“We are One-body in Christ”

Hih catluan pahnih hi kan hngilh lo pei.

Lungrualnak…. Buainak hrampi

Si sawn loin

Duhdawt-awk sinsinnak ih cangter tu ding…

Hih cahram a siartu nan zate parah Pathian in thluasuah pe hram seh.

(Visited 104 times, 1 visits today)

Comments

comments

Comments

%d bloggers like this: