Lungput Khihhmuhtu

August 4

Tlawnkai Nihnih

 

Lungput Khihhmuhtu

 

Siar:

2 Sansiarnak 7:1-14

 

Ka hmin ih ka kawhmi ka minung pawl in ka hnenah lungsir in thla an cam, ka mit-hmai an hawl ih an thil ttha lo tuahnak ihsin an kir saal a si ahcun van in an thlacamnak ka thei ding, an sualnak ka ngaithiam dingih an ram cu ka damter saal ding.  -2 Sansiar. 7:14

 

Kumkhat Sung Baibal:

–   Saam 66-67

–   Rom 7

 

Abraham Lincoln in cangan thiam Harriet Becher Stowe ih thu an sim tikah, “Nunau nu te in hi tlukin a nasami raalpi thawhnak cabu cu a ngan,” tiah a ti.

 

Abraham Lincoln ih lomnak cu a nasa lemlo nain Stowe ih cabu “Uncle Tom’s Cabin” timi cu America ram ah sal neih theinak thu cemter dingin a thupizetmi cabu a si. Miphun hrinhnam thleidan awknak le sal neih ih dik lo zia ngannak cuih cabu ramsung raalpi (civil war) suahtertu cabu a si. Abraham Lincoln in sal luatnak thu a than. Curuangah Stowe ih cabu cu rampi thlengh awknak lungput khihhmuhtu le bawmtu tthabik ah a cang.

 

Siangpahrang Solomon hnenah tangdornak le sualphuannak in Israel mi pawl lungput thlengh awk daan ding thu Bawipa in a sim. “Ka hmin ih ka kawhmi ka minung pawl in ka hnenah lungsir in thla an cam, ka mit-hmai an hawl ih an thil ttha lo tuahnak ihsin an kir saal a si ahcun van in an thlacamnak ka thei ding, an sualnak ka ngaithiam dingih an ram cu ka damter saal ding (2 Sansiar. 7:14).

 

Khristian kan si vekin a hmaisabik ah kan nunnak felte’n kan rem a ttul. Tangdorzet in thlacamnak le sualsirnak thawn Pathian kan hawl ahcun kan nunnak ah thlengh awknak a um ding. Pathian in rampi thlengh awknak lungput khihhmuhtu ah in hmang ding.

 

Kan lung thoter saal aw,

Na duhdawtnak in kan lung khatter aw;

Ruahsannak thar thawn khatter aw,

Vanlam meisa tleu in.

 

Thinlungput a dik lo ahcun Uk awknak dik a um thei lo.

– Abraham Lincoln (US President)

(Visited 30 times, 1 visits today)

Comments

comments

Comments

%d bloggers like this: