Lungkim Tlangnak Nei Maw Nei Lo

July 14

Tlawngkai Nithum 

Lungkim Tlangnak

Nei Maw Nei Lo  

Siar:

Luka 15:11-24 

“Na fapa si dingah ka tlak nawn lo; na hnattuantu na sal pakhat ah i tuah hram aw, tiah ka va ti pei,” tiah a ruat.     – Luka 15:19 

Kumkhat Sung Baibal:

–   Saam 10-12

–   Tirhthlah 19:1-20 

Keimah vek na si ahcun lungkimnak ttha neih na duh ve ko ding. Thilri man neep le tthumter theinak dawr lawng si loin a cang thei a si ahcun lungkimnak thawn nangmah in zianghman pek ttul saal lo tivek um sehla na duh ko ding. Cuvek lungkimnak na neih ahcun fapa tlan hlo in a pa ih inn ah kir saal dingih thu a tthencat awklai ih a tumtahnak na theihthiampi ding.           

Cumi sanlai ah mi riantu hi phun thum in an um: (1) Sun ih hnattuantu – nitin hlawh-man pek mi pawl. (2) Saanmi riantu – nikhat ah reipi hna an ttuan ko na’n anmahte khua sungah zalenzet in an um thei. (3) Thutiamkamnak thawn mi riantu an si ih an hnattuannak hmun ah an um cih ih an ziang hmuahhmuah an bawi hnenah an pek aw thluh.           

Fapa tlan hlo in a nunnak cu hih hnattuantu phun thum lakah a niambik ih a thlak awk tikah zaangfah a dilmi cu saanmi riantu vekih ret ding hi a si. Ziangah thutiamkamnak thawn riantu si dingin a dil lo si pei? Bible simfiangnak ngantu hrekkhat pawl in relkhawm tlangin ttuanman laak tahrat ih luatnak neih a duh ruangah a si ding, tiah an ti.

           Vei khatkhat cu cutivek thinlung put thawn Pathian hnenah kan pan ttheu, “ka lo rian ding, asinan ka zalennak cu i laaksak thei lo,” tivek in. Asinan Fapa tlan hlo ih pa bangin Pathian cun a sir awmi misual pawl cu Amah ih innsang ah cohlang dingin a baan kaupi in a pharh cia rinring a si. Amah rian dingin lungkimnak neih hnak ih ttha zianghman a um lo.    -Joe Stowell 

Bawipa, ka nunnak hi Na hnattuannak ah i hmang aw,

Ka thinlung cu Na duhdawtnak in khatter aw;

Ka duhnak, ka sinak, ka hngalnak zate i laaksak aw;

Atu Na hnenah ka pek, Bawipa, Na duhnak thlun dingah.   -Orr 

Zalennak diktak cu Khrih hnenih pumhlum ap awknak ah a um.

Comments

comments

Comments

%d bloggers like this: