Lungkim Theinak

August 24

Tlawngkai Nihnih

Lungkim Theinak

 

Siar:

Filipi 4:4-13 

Ziangvek dinhmun khal ah lungawithu sim uh. Cumi cu Khrih Jesuh ah Pathian ih a lo duhsakmi a si.    – 1 Thesalon 5:18 

Kumkhat Sung Baibal:

–   Saam 116-118

–   I Korin. 7:1-19 

Biazai ngantu pakhat in, “A tlangpi thu in milai cu mi-aa phunkhat a si. A sat asile a dai a duh. A dai asile a saa a duh. A um lomi a duh ringring,” a ti. 

Minung sinak a va hmu fiang lawmmam so! Filipi 4:11 ah Paul in, “Ka neih zatte thawn lungkimzet ih um daan ka thiam zo,” a timi kan mang a bang, “Himi hi thil cang thei a si ngaingai pei maw?     

Paul in, “Tlasam ih um cu ziang a bang ti ka thei zo; cule a hleifuan ih neih khal ziangbangtuk a si ti ka thei ngah zo. Cuti ih um daan thupte cu ka zir ngah zo ruangah khuitawk hmun hmanah le ziangtik caan khal ah ka pumpuar in siseh, ka rilrawng in siseh, malte ka neih ah siseh, tampi ka neih khal ah siseh, thinnuamte ih um ka thiam zo. Khrih ih i pekmi cahnak thawn ziang bangtuk hman neh theinak thazaang ka nei zo,” (Filipi 4:12-13) a ti. Paul in thil um daan parah si loin Khrih a pehtlaihnak ruangah lungkim theinak a nei.           

Paul in thlarau nun pitling ih um zia in theihtermi cu, lungkim theinak hi zaan khat thilthu men ih ra cang theimi a si lo. Caan reipi tikcu pek ih zir suakmi a si. Pathian thawn pehtlaih awknak caan a rei tikah nunnak ih tontehmi ihsin Pathian rinsannak a tam sinsin ih mah le mah rinsan awknak a mal deuhdeuh. Cuti’n neh theinak thazaang in pe ding ti Paul in a thei (c.13).           

Tuni rori ahhin ziangvek dinhmun na thlen hman ah a poi lo, thlacamnak in lungkim teih um theinak thazaang na ngah thei.     – Albert Lee 

Leitlun hi thil ttha tampi in a khat,

Cumi cun nomnak le lungawinak in pe;

Asinan famkimnak taktak cu,

Khrih duhdawt le kan thupitter tik lawngah a ra.  – Sper 

Lungkim theinak taktak cu

rundam kan sinak Khrih hnen lawngah kan hmu.

Comments

comments

Comments

%d bloggers like this: