Lunghak le Lungneem

December 10

Tlawngkai Ninga

Lunghak Le Lungneem

Siar:

Saam 37:30-40

Mi ttha cu zoh hnik uh, miding cu thlir hnik uh. Mi lungneem le midai cun te le fa an nei. Mi ttha lo pawl cu an hloral ttheh.  – Saam 37:37-38

Kumkhat Sung Baibal:

–   Hosea 1-4

–   Thuphuan 1

Mi-aa zokhal in tawh awknak cu a suahter thei (Thuf. 20:3). Mi ttha lo pawl cu an hngilh hlo cing ding (10:7). Nunsimnak huatu cu mi-aa an si (12:1).

Pathian Ttongkam in mi-aa, mi hrokhrol, mi molh tiah minung pawl a kawh hi a dik maw? Pathian cu duhdawtnak le zaangfahnak a si lo maw?

Pathian cu duhdawtnak le zaangfahnak a si. Leilung hi nomnak le diriamnak um dingin a sersiam. Asinan a aat thlakmi kan thinlung le kan tuahmi pawl a zoh men lo ding thu raalrinnak in sim. A tlun ih Thufim pawl in Pathian cu duhdawtnak sihmansehla kan parah beiseinak tumpi a neih zia in mangter. Mah le mah buainak a pe awtu pawl hrang ahcun nunnak hi a har sinsin.

Pathian ih in duhsakmi hril ding nunzia a um. Mi-aa in tawh awknak a suahter, upat tlak a simi cun tawh awknak a hrial (20:3). Mi ttha lo cu hngilh hlo an si. Mi ttha pawl cu thluasuahnak bangin ciin ringring an si (10:7). Mi-aa cun nunsim an hua. Fimnak a duhtu pawl cun an sual tikah nunsim an duh (12:1).

Kan nunnak ahhin hril dingmi a um ringring. Pathian duhzawng in nung in a lungkimnak ih nom awk maw, asilole mi-aa vekin nung ih siatsuahnak ton a si.  Cumi cu thinlung hak ih um le Pathian duhdawtnak sungah lungneem teih um khi a si. Ziang deuh na hril ding?     – Dave Branon

Bumnak, merhkawi le langhngan ih thuphanper in,

Mi-aa pawl timi ttongfang an sim fiang;

Asinan Pathian Thu a thluntu pawl in an langter,

Fimnak ih a ukmi nunnak.   – Sper

Mi-aa lawng in sualnak thawn aat thlak nun in a nung.

(Visited 22 times, 1 visits today)

Comments

comments

Comments

%d bloggers like this: