Lungawite ih Ton awk Saalnak

 

 

June 20 

Zarhte Ni

 

 

 

Siar:

Thuphuan 21:1-5

 

Bawi tokham ihsin aw ringzet ka thei ih, “Pathian umnak inn cu minung hnenah a si zo. Amah cu an hnenah a um dingih annih cu Amah ih minung an si ding. Pathian Amah rori an hnenah a um dingih an Pathian a si ding.”  – Thuphuan 21:3

 

Kumkhat Sung Baibal:

–   Esther 1-2

–   Tirhthlah 5:1-21

 

2002 kum ah Elizabeth Smart cu Utah ih an inn ihsin tangka thawn tlen saal dingin an fir hlo (pianpisuai). Amah zoh ringringtu nupate hmai ah vaivuan in a um. Thla 9 a rei hnu ah an tong ih inn ah an hruai saal. A innsungsang pawl ih an ruahsanzetmi le an hngakhlapzetmi lungawiza ton awk saalnak a si.

 

Thuphuan Cabu sungah Johan in van thar le lei thar a hmuhnak thu le hmailam ih Bawipa thawn kan ton awk saalnak ding thu a ngan (Thuphuan 21:1-5). Cuih thilcangmi pawl cu hih leitlun ah si loin Pathian le a minung pawl sunlawinak thawn famkimzet ih kumkhua um tlangnak ding thu a si.

 

Pathian an lakih a um tikah sualnak ih suahpimi riahsiatnak, thihnak, natnak le tthen awknak pawl cu an hlo thluh ding. Daan hlun cu a hlo dingih a famkimmi Daan thar a ra ding. Bible in, “Zoh aw! Pathian umnak inn cu minung hnenah a um zo. Pathian Amah rori an hnenah a um dingih an Pathian a si ding” a ti. Cule Bawi tokham parih a totu in, “Zoh hnik uh, ziang hmuahhmuah a thar in ka tuah a si,” tiah a ti (Thuphuan 21:3, 5).

 

Ni khat ni ah Vancung ih kan Pa thawn lungawizet in vancungram ah ton awknak kan nei ding. Ziangtluk lungawiza ni a si ding ti ka ruat baan lo.

 

Ni tlaknak raal khat ah lungawiza ton saalnak hmun,

A feh cia kan duhdawt mi pawl thawn;

Khih ram nuam ah tthen awknak a um nawn lo ding,

Ni tlaknak raalkhat ah a  kumkhua in.

 

Leitlun daan cu tthen awknak a si ih

Vancung daan cu ton awk saalnak a si.

(Visited 35 times, 1 visits today)

Comments

comments

Comments

%d bloggers like this: