Lungawinak Thuthup

imagesKhua pakhat ahhin ziangtinkim ih phunzai paih ringring putar pakhat a um. Amah le mah cu leitlun ih mi vanduai bik pakhat ah a ruat aw. Mithmai sia le thin nuam lo hmel pu in a um ringring.

An khaw mipi hmuahhmuah in cui’ putar cu an ning. A kum a upat vivo rual in a awkam a se sinsin ih, a phunzai luar deuhdeuh fawn. Midang pawl cun an nin tuk ruangah an hrial ttheu.

Lungawi mithmai pu ttheutu pawl hrang hman ah, a kiang ih lungawitei’ va um cu hmuhsuamnak ah a rak ruat. Amah a um cun midang cu an lung a awi thei lo cih mai ttheu fawn.

Asinan ni khat cu thil maksak pakhat a thleng. Mi hmuahhmuah in putar ih thuhla ah theih mi danglam pakhat an nei.

Tuini cu putar a lung a awi ti a si. Zianghman ah a phunzai nawn lo. A hni siamsi ih hahdam zet in a um timi an thei.

Cumi ni ah an khua ih mi tthenkhat cu putar hnenah an feh ih, “Ziang na cang?” tiah an va sut.

Putar cun, “Zianghman cang lo e. Ka nun pumhlum hi lungawinak dawi in ka rak hmang. Asinan a tthahnem lo. Tuini ahcun lungawinak ngah ding thuhla ruat lo in, nun timi hi ka cen ve maimai. Cumi cu ka lungawinak san a si,” tiah a sim hai.

Lungawinak ngah ding ah thinhar ih na ruat rero mi na cawlh hnu lawng ah, lungawinak timi cu na hnenah a ra thleng ding.

Hram: http://moralstories26.com/old-man-happiness-moral-story/

Sianglianuk Kianghrol

(Visited 29 times, 1 visits today)

Comments

comments

Comments

%d bloggers like this: