Lungawinak Langter A Thupi

Šianglianuk Ķianghrol

Vei khat ah Columbia Pengpi (District) ih palik in a neitu pawl ih ra hlam nawn lo mi thirleng 100 cu lilam (auction) an tuah. Thirleng hmaisabik an lilam tikah mipa nauhak pakhat cu, “Dollar fang khat,” tiah a rak au. Hmansehla midang pawl in anih hnakih an pek tam thei deuh ruangah a co lo. Asinan, thirleng dang an lilam thok tinte’n, “Dollar fang khat,” tiah a rak au ringring thotho.

Lilam tuahtu cu, ruk mi asilole a hlo mi thirleng pawl kum 43 sung rori lilam rak tuahtu a si. Cu pa cun tlan zuamawknak thirleng pawl an lilam can ah, cui’ mipa nauhak ih ruahsannak cu a kaisang cuang ti a theithiam.

A netnak ahcun tlan zuamawknak thirleng pakhat lawng a tang. An lilam tikah dollar fang riat tiang a thleng. Asinan lilam tuahtu cun, “Khitawk ih nauhak pate hnenah dollar fang kua in zuar a si,” tiah a phuang. A zal ihsin dollar fang riat a phorh ih, nauhak pate ih dollar fang khat cu a va dil. Nauhak pate cun pia nawi hlir kom khawm mi fang khat a rak pe.

Cu thluh ah nauhak pate cun thirleng cu a la ih a feh tum. Asinan maltakte lawng a feh man. A thirleng neih thar cu tthate’n a ret ta hnu ah a kir sal ih, lilam tuahtui’ hngawng ah va kuah phah in, a ttap.

Himi nauhak pate ih lungawinak thuk zet vek kan rak ton can cio kha vun ruat sehla, cumi lai ah ziang kan tuah timi khan, lungawinak langter kan thiam tawk maw timi in theihter ding. Ttongkam kan thiam lo ruangah, midang in kan aiawh ih lungawithu in sim sak mi khal khi thil ttha cu a si ko nan, kanmah rori in kan lungawinak kan langter mi hi, kan parih thil ttha tuahtui’ hrangah diriam a um bik ttheu.

Na lungawinak kha ttongkam ih na langter thiam lo hman ah, na tuahnak le na umdan in na langter thei a si.

Hram: Thomas S. Monson ih “Think to Thank,” Ensign, No. 1998, 18)

Comments

comments

Comments

%d bloggers like this: