Luatnak ding Sangka Ong pawl

September 3

Tlawngkai Ninga 

Luatnak ding Sangka Ong pawl 

Siar:

Marka 7:1-13 

Ka thinlung sungah na daan cu ka ret zo, na parih ka sual lonak dingah.     – Saam 119:11 

Kumkhat Sung Baibal:

–   Saam 140-142

–   1 Korin. 14:1-20 

Kum 5 mi Jenna cu nikhat sung a thil tuahmi zianghman a remcaang thei lo. A duh vekih tuah dingin a zuammi hmuahhmuah a linglet ah an cang thluh. Thu-el khal a ngah lo. Hmur lippak tahrat ih thinheng khal le amah kel. Ttah khal a tthahnem lo. Netabik ah a nu in, “Ka thinlung sungah na daan cu ka ret zo, na parih ka sual lonak dingah,” timi (Saam 119:11) Bible caang hril a siarsak saal.       

Jenna khal in himi Bible caang hril hi a ruat ve nasa sihmang, ziangahtile zamrang takin a nu cu, “Asinan ka nu, cumi in ka sual lo ding ti’n a sim lo; ka sual lonak dingah a ti si” tiah a sawn. 

Jenna ih ttongmi hi kan theih ringringmi a si. Ka thinglung sung khalah a caancaan ah a suak ttheumi thu elnak a si. Kan duh lomi thu thlun dingih thupek kan si tikah luatnak sangka ong pawl kan hawl ttheu.     

Jesuh in biaknaklam daan ihsin luatnak sangka ong kan tong tiah a ruat awmi biaknaklam hruaitu pawl kha himi thu a sim hngai (Marka 7:1-13). An nu le pa thilri le sumpai ih bom ding ai ah Pathian hnenih pekmi Pathian taa (korban) a si an ti ih an hmannaklam ri an teek sak ttheu. An thungai lonak hi hnganlangzet cu a si lo nain Jesuh in an thilti daan hi cohlan tlak a si lo a ti.     

Luatnak ding sangka ong hawl kan thawh tik poh ah thungainak kan cawl.   -Julie Ackerman Link 

Na hnenah hlan aw dingin in bawm aw Bawipa,

Nangmah lo thlun ding le Na thu ngai dingin,

A sualmi kan thilti daan hum dingin,

Luatnak sangka ong pawl hawl ai-ah.     -Sper 

Pathian ih thu ngai lo dingin phuahlam kan hawl na’n

cumi khal thungai lo tiah a ko thotho.  

 

(Visited 33 times, 1 visits today)

Comments

comments

Comments

%d bloggers like this: