LTTE Hotu A Thi Fiang

Sri Lanka Cozah in LTTE hotupa Velupillai Prabhakaran an kahthat thu an puang hnu ah  LTTE Webside ah  LTTE pawlih International Relations kaitu S, Pathmanathan cun  an hotupa bik a thih lo thu tar langsal in LTTE hotu V, Prabhakaran cu Tamil miphun pawl zalen nak an ngah thei nak ding hrangah hna a tuan lai rero asi tiah a tar langih Sri Lanka Cozah cu thu phan thu thehdarh ah a puh.

Himi ruangah Sri Lanka Cozah cun LTTE hotupa V, Prabhakaran cu a thi rori a si ti mipi in an hmuh fiang thei nak dingah mizan sun ah TV ah LTTE hotu V, Prabhakaran ih ruangcu an pholang a si. Sri Lanka ralkap thupuangtu Brig, Udaya Nanayakkara cun  LTTE hotu V, Prabhakaran ih ruang hi Nandikadal ah hmuh a si ih a lu ah meithal ih kahnak hma khal a um tiah a sim.

Surbung Tlang Thuthang Siarbet

Sri Lanka President Mahinda Rajapaksa cun LTTE pawl an do nakcu hlawh tlingzet in a tawpzo tiah mizan sun ah an ram Parliament ah a puangih,  mi tampi in Sri Lanka ram ih Tamil miphun pawlcu hmuhsuam leh nekcep in an um ding ti ih an ruah micu thil diklo asiih, Tamil miphun pawl hrangih thanso nak leh an  canvo khal Cozah cun theitawp in a ngai pawi mawh dingih, Sri Lanka Cozah in Tamil miphun a do lo ih a do micu LTTE pawl an si a ti.

(Visited 44 times, 1 visits today)

Comments

comments

Comments

%d bloggers like this: