Long In Australia Ih Lut Tum Pung Sinsin

Long In Australia Ih Lut Tum Pung Sinsin

Australia ram lut tum tu long fate ihsin a ra tu nitin an pung ruangah Australia acozah cun a rorel innpi ah nasaten hitu a rel sal. Thlakhat sungih a ram sung ih long fate ih a lut tumtu mi 1781 an kim zo tiin Scott Morrison, mivai tawlrelnak ih thupuangtu cun a sim.

A dang long fate pakhat Timor Tipi par ih si ra mi 41 phur khal Ashmore tikulh nitlaknak lamah an kai ngah ih mi 67 phur long fate dang khal Cocos(Keeling) Tikulh ah an kai hrih lai bet ti khal cun a sim. Hi long totu pawl an zaten Christmas Island ah ret lawk an si ding.

Australia rorel inn piih bawmnak diltu (asylum seeker) pawl tuamhlawm danding a tuahmi thleng dingih an dilmi a pom lo ruangah long pahnih a ramsung lut tumtu mi 100 lenglo in an nun an liam phah.

Hi tiih long fate ih Australia ramsung lut tum le bawmnak diltu pawl an pung vivo ruangah Prime Minister Julia Gillard cun thusuah tuah in bawmnak diltu pawl tlun ih an dan zohfel sal dingin ahleiih thiamsang pawl cu a ruat ih August 14 ni hlanah zohfel thluh dingin a fial cih.

(Visited 34 times, 1 visits today)

Comments

comments

Comments

%d bloggers like this: