London Olympic An Khar

Leitlun lehpanzuamawknak 2012 Olympic Avei 30 nak cu tluangzet in ni 16 sung tuah a si hnu ah tuini ah a cemnak puai sunglawizet tuah a si.

A kharnak ah mipi 80,000 lenglo an telih TV ah million 1000 lenglo in an zoh bet. “London Olympic sunglawi cu kan khar a si” tiah Olympic hotubik IOC president Jacques Rogge cun mipi hmai ah a phuang durdo.

Himi Olympic puai hrang a tuantu mi 70,000 lenglo an si. Great Britain pawl cun medal 65 lehnak dangdang ah an ngah ih US pawl cun gold 46 lenglo an ngah ve.

Tuikum ah World records 44 tuah a si. Cun, Olympic record hi 177 tuah ngah a si. US tileuh thiam Michael Phelps cun medals 22 lenglo a dawng ih Olympic ih hlawhtlingbik dinhmun a co.

Spice Girls pawl cu hmun khat ah tawngaw khawm in Olympic kharnak ah hlasaknak an nei. 2016 Olympic cu Rio de Janeiro ah a thleng ding.

(Visited 38 times, 1 visits today)

Comments

comments

Comments

%d bloggers like this: