Loas Ram Ih Christian Pawl Dinhmun

laosCaleb L Ci Luai

Washington D.C. (International Christian Concern) : Human Rights Watch for Laos Religious Freedom (HRWLRF ) timi pawlkom, US ram Tennessee ih um pawl ih an zohfiahnak ih an tarlang mi cu, Laos ram ih Christian pawl cun nekcepnak an tuar vivo ti asi. Laos ramsung ih um Christian pawl cu, Communist cozah cun hremnak le siatsuahnak a phunphun a pe ringring nan, tui ni ah Christian an karh vivo thotho.

Cumi cu an hmuh tik ah, Communist hruaitu pawl in Christian pawl cu a hlan ih an zumnak ih kirsal ding in nitin an forh ringring. Tuizarh sung ah, Laos ramsung ih Savannakhet ramthen sung ih um Christian mi 200 rual cu, cozah lam thuneitu pawl in, hlanlai ih an zumnak ih kirsal ding in an forh hai ih, culawng hman silo, Laos ram ih an biaknak ih an tuahnak hmun ah lo theihlo in an telter hai. Hiti ih an ti hi October thla hrawng khan an thok zo asi.

Allowmai ih um zumtu pawl hnen khal ah, “ Nan zumnak nan bansan lo asi ah cun, tu ih na pastor kan lo kaihsak mi pawl hi tuihnu kum 3 sung thawn kan thlak bet ding. Curuangah nan hruaitu nan hum duh asi ah cun nan zumnak bansan uh” ti in an hro hai. An pastor 3, Bountert, Adang le Onkaew pawl su September 11 ah khan an kai ih tu ah thawnginn sung ah an um rero lai asi.

Bible Siartlangnak Ruangah Uzbekistan Ah Christian Pawl Kai

Uzbekistan : Uzbekistan ramsung ih Christian pawl neksawknak um vivo mi ah, tuithla ni 1 ni ah, zumtu mi 80 tluk cu, an ram sung Bostanlyk h um ih tipi kap ( Simurg Resort ) ah holiday an hmangtlang ih, cutawk ah an zaten Bible siartlangnak an neih cu police pawl in an duhlo ruangah an zaten an kai ih, thusuhnak an nei hai.

Pathian Thu reltlangnak, thusimnak, Bible siartlangnak le hlasaktlang nak an neih nak ah police 12 an ra ih, cupawl cun duhduh nak ah biaknak thawi pehpar mi tuah sian asilo thu leh, hivek tuah ding asi ah cun, cozah ih a siannak hmun ah tuah ding asi ti in an ra ti thu an lak ih telve, hmin lang duhlo cun Morning Star News ah asim.

Police pawl in thusuhnak le thusimnak an neih thluh hnu ah, an kenmi lak ihsin Bible 30 le Christian hlabu 100 an laksak ih, an kutzung an zaten namter khal an si theh.

(Visited 548 times, 1 visits today)

Comments

comments

Comments

%d bloggers like this: