Lo Ngen Ko Ning … Cung Thlapa!(Biazai)

biazai

Lo Ngen Ko Ning … Cung Thlapa!

Cung thlapa aw!
Na eng hnuai ah, duh biaphai in,
Kan leng tawn maw, hnangam te in;
Then aw lo ding, I tiam kam mi,
Ka lungduh in, theihhngilh hmanseh,
I mam sak hram, Cung thlapa aw!

Cung thlapa aw!
Hnagktu ka nei, ti theihnak thawn,
Na can kim ah, na suak tawn maw;
Si hmanseh law, ka lungduh cun,
Hngaktu a nei, ti thei cing in;
Suahsal laini, a rel nawn lo.

Cung thlapa aw!
A thleng theu maw, na suah tik cam,
Ka ruahsannak, I nung ter theu,
Cuan ko ning law, na eng hnuai ah;
Suak pang hna maw, kei ka lungduh,
I theihpi ko, Cung thlapa aw!

Cung thlapa aw!
Na eng that zan, nuam hai ko maw,
Ka thianrual hna, lungsi te in;
Ngam thiam a har, lileng kei hrang,
Kawhkir theih lo, a hlan kan can;
Suahsal laini, a rel si lo.

Cung thlapa aw!
Tongaw thei lo’n, sankhat nunah,
Lungthin kuai in, thenaw hman ning;
Zan mang tal ah, tongawk theinak,
Lo ngen ko ning, na eng hnuai ah;
I siang hram law, Cung thlapa aw!

Siangte

(Visited 74 times, 1 visits today)

Comments

comments

14 Comments

  1. Dear Siangte,

    Na biazai cu a va mawi ve aw!
    Ka lung i kuai nasa ee!

    Na darling kawlramah na tan a si tengteng.
    Thlapi en caan ah kan”Mangaw ding” tin nan tiamkam ti aw cu le….hi…

    Siar le cu lungzurnak a si.
    Na thiam tuk…biazai ngan thiam ka duh tuk ve.

    Ukte
    Vahvaihnak
    New Delhi

  2. Hi Ukte,

    ka lungawi, lung lo kuai ter cu a tha lem lo ding nan ti aw ….hehehehe

    website le groupMail ih na ca ngan mi pawl ka rak siar theu ih cangan cu na ta a si ko kha.

    Ngaingai te cun kei khal ka siar sal le ka lung a zur theu ko …

    Lungawi tuk,
    Siangte
    Manila

  3. Haaaaaaaaa…….Siangte eeee!

    Mi pakhat khat ih porh le lawm cu ngai nuam tuk ti…thlum duahdo…taktakte ih in lawm ahcun lungawiza a si….

    Biazai ngan vivo ah law, na hlawhtling nasa ding…

    HLapi ih na rual,

    Ukte
    Vahvaihnak
    New Delhi
    ==========

  4. Dear Ukte,

    Pawrh cu ka ti siang lo ding, a si mi te ka hun rel duak ho khaw ….
    (Pawrh ti mi cu a si lo mi tiang tla a khihhmuh pang ah)

    Biazia, tluangtlam te ka ngan sun mi i rak lawm sak lawng si lo in thazang i pek bet ih ka lungawi tuk, ngan thei bet sehla ka saduhthat ve zet.

    Lungawinak tampi thawm,

    Siangte

  5. hehehehehe nan ti awk dan cu a va tha em ka rual

    sawmte

  6. Siangte,

    Na tar lang rori thlang si pei cu ti aw?

    A tha !

    Good job ti lawng tang,.

    JUSTIN.

  7. Haaaaaaaa, Siangte le Ukte kan si ko hih!!!

    Kan cawl lo le cu kan mualpho tuk ding…hi….
    Hi, tei pahnih ih biakawk daan hi cu in ti celcel zo hi aw….hi….

    Mi then cun in ningzet zo ding…

    Kei ningzak ka nei si…na nei ve tuk ding…….

    Mi in in rel nasa zo ding ka zum….

    In rel lo le rel ding dang an nei ve lo pi ti…ha….

    Kei cu ka cawl zo…

    Na rualpa
    Ukte

  8. Ekhai..

    Ka rual Siangte… Na biazai cu ka lung i ti hno..

    Ukte cu a ril thei a bangual..

    Rak ngan sinsin aw..

  9. Sawmte,
    kan comment awk mi a mak deuh in na thei maw, a tha sawn in na thei?
    Ukte in a tih deuh bang … hehheh

    Justin Thang,
    Thangkuk, a ruh tiang a lang in na hmu maw? hehehehe …
    hi ti si ko ee leilung pi hi … lungawi

    Ukte,
    ka hmuh mam hlan ah i rak cawlhsan der si maw …
    Vahvaihnak a cem in hmunkhuar in kan hmu awk leh hai kei cu ti aw..

    Nan zaten, lungawi ee ….

    nan Rual,
    Siangte

  10. Sawmte……

    Thil na theithiam thei tuk eee……!
    Duddawtnak timi cu nauhak le zawhte tla in an theithiam so khaw…aih cu lamlam eee!

    Justin Thang

    Ziangah biazai ngan thiam ah (USA ) ah khan pakhat na la si lo maw, hivek caan ah na to men thiam eee! Na zabeng men hlah hmen…haa…

    Laizuun

    Na ti daan kha a fair lo, sorry Kawlpawl daan ten “free and fair election” a si lo ve!
    Siangte zuun ah uai tuk thi ding bang in in tuah ual….haa…..siangte a miat tuk ding si….haa….

    Siangte

    Siangte cu tam deuh in ka lo cah duh…ha….ziangah tile himi na bezai ruangah mi tampi kan buai phah a si…ha…na nganmi biazai hi zo hrang ah a si timi thaten in sim thei aw…..Kawlram ih na “darling” hrang asi ahcun a lo thiktu tla an um men thei asinan na hmuhlomi hrang na “dream” na ngan a sile ruahsannak a um ding ka zum haaa……Justin, Sawmte, Laizuun pawl rak sim thei hlah maw…

    Aw, ziang asikhalle Siangte hi biazai nganthiam rak thupaw kan hmu ngah a si ee! Kha le Laizuun zungbun mawi mawi, Kedam thatha le caw thauthau rak buatsaih uh law….Siangte a hlozo nan tu ah ka hmu sal a si.
    Nan zaten rawl in kil pi ve uh law…

    Ukte

  11. Ukte,

    Si ee USA ah 1st place ka lak male..
    aw ka za ka beng men lo pi.
    ka thlir rero lai fang si hehe

    u siangte a thiam tuk.

  12. Ruahnak rel ding ti lai lakah ziangah nan porhaw ciamco.. Tui biazai ka hmuh danah cun; cangtu nu le cangtu pa cu Zawl Tling leh Ngan BAwm an hluan tinak a ti, zangfahza na si ruangah an hrang thlaza camsak uhsi ab ton awk thei lohli nak dingah…

  13. Aih a cui ka thin ee!

    Laizuun,

    ka lungawi, “ka lung i ti hno” ti mi tongkam te kha a mawi em!
    Ukte cu kha a lungkim ciah lo bang ee … a lungkim dan ngaihtuah a tul ding ..ha

    Ukte,

    na thucah mi cu a pin tuk i Obama hman in US hruaiawk dan ding in cah sehla, a bang lo ding!

    ka biazia ngan mi cu, zo hrang ah ti cu a fiang zet in ka thei … Cung Thlapa rori a si ko (mirang grammar term sang sehla Vocative case) rori si ko khah!

    Secondary address ah cun a siar tu hmauh2 keimah ihsin thawk in si ko.

    Tu kha mihlo in hmusuak maw, mithar in sarsuak sawn si????????? ha kan Bible ih Fapa hlo, parable kha ka mitthlam ah ka hunglang ciamco maw le …..

    Thangkuk,
    nangmah rori USA ih biazai zuamawknak in first ngah tu in ka biazia i hun sunsak ve ih ka lungawi tuk. Zuam sinsin aw law…

    Ka tongkam thiam ka hun suah tum nan, a hlo cingcing aw .. ka cawl mei ding…

    Lungawi tuk!

    Nan Rual,
    Siangte

  14. the story is so good ka lung leng dih hhee :L

Comments

%d bloggers like this: