Lincoln Hnen Ihsin Zirnak

February 12

Tlawngkai Nili

 

Lincoln Hnen Ihsin Zirnak

 

Siar:

Thufim 3:1-8

 

Na tuahmi kip ah Pathian cu thei ringring awla Amah in lamzin dik a lo hmuh ding a si.     – Thufim 3:6

 

Kumkhat Sung Baiblal:

          Puithiam. 13

          Matthai 26:26-50

 

Abraham Lincoln cu a kum 52 suah ni a kim hlan nikhat ah president ttuan dingin Springfield ihsin a pok. “Ka feh thlang; ziangtik ka ra kir saal ding ti le kir saal nawn lo ding ka si ti ka thei lo. Ka hmai ih ttuanvo cu Washington tlun ih a rak ummi ttuanvo hnakin a khunghar sawn. I kilvengtu Pathian ih bomnak locun ka ttuan suak thei lo ding. Amah ih bomnak thawn cu ttuan suak loin ka um fawn lo ding. Keimah i fehpitu le nan hnen khal ah a um ih khuitawk hmun khal ah tthatnak hrangih a umtu Pathian rinsannak thawn ziang hmuahhmuah a ttha ttheh ding tiah ruahsannak nei cio uhsi! Amai’ kilvennak sungah ka lo hlaan hngai ih nan thlacamnak in A kut sungah in hlaan ve ding ti ruahsannak ka nei. Duhdawtnak thawn nan zate in cibai ka lo buuk hngai a si,” tiah a sim.

 

Lincoln ih Pathian a rinsan daan in Solomon siangpahrang ih, “Bawipa cu na thinlung zate in rinsan aw;…. Na tuahmi kipah Pathian cu thei ringring awla, Amah in lamzin dik a lo hmuh ding,” (Thufim 3:5-6) timi a fiangter.

 

Tuni ah Abraham Lincoln ih kum 200 kim suah ni ah a nunneemnak, a dingfelnak le a raaltthatnak pawl kan thangtthat a si. A hnenih beidongza thil thlengmi pawl kha Pathian rinsannak thawn a pahtlang thiam daan kan hmuhmi ihsin kannih tla fim kan zir ngah a si. 

 

I tthihhawhtu ttihphaannak pawl A kut sungah ka ret,

A ra thleng dingmi ttihnungza hmailam thil pawl;

Tuah ding harsazet rinhlelhnak pawl A kut sungah,

Him te’n ka cawl ziang hmuahhmuah hrang Amah ringin.

 

Pathian rinsannak neih locun

nunnak cu mero sahzet lakih mawttaw mawng vek a si.

Comments

comments

Comments

%d bloggers like this: