Lilawn par ihsin Dawp a ttul lo

January 11

Tlawngkai Ninga

 

Lilawn par ihsin Dawp a ttul lo

 

Bible Siar Ding: Matt. 7:13-23

 

Nunnak sungih luhnak kotka cu a fiak ih a fehnak lamzin khal a har; curuangah a thleng suaktu cu mi malte an si.

–         Matt. 7:14

 

“A tamsawn” timi hi a dik ringring lo. Cun ka nu ih in sim daan vek asile, “Mi hmuahhmuah lilawn par ihsin dawp hngai sehla, na dawp ve pei maw?”

Ziangruangah sipei mi tampi cu Jesuh Khrih zum in a dung an thlun lo? Ziangahtile miburpi cu lamzin dang ciar in khual an tlawng ruangah si thei. Mi tamsawn ih ti daan dokalh zawng ih feh cu sawmngiarnak a si. Kan nunphung in Pathian lamzin thlun dingah amah te’n lamzin ser a duh. Jesuh zum le zum lo cu re hrih, an simmi cu, a ttha tiih na thinlung ummi kha tuah mai aw, Pathian cun ziangvek ih na tuah khal le a lo cosang, ti a si.

Leilungpi in kanmah lam ih tuah dingmi malte “a ol zawng zum daan a aupi” lai ah Jesuh cun sangka kaupi cu a palhmi lamzin a si ti’n a sim. Riahsiatza a simi cu, cuih thu cu mi malte lawngin an ngai paih.

Mi tamsawn ih ti daan dokalh in kotka fiakte sungah lut ding timi thu hi kan thei fiang taktak zo maw? Midang pawl in in hnihsan men thei, cangvaihnak tla in kham men thei, ih kan parah thilrit tla a um men ding. Cucing in kan duhhrilmi parah kan kumkhua hmailam cu a tthum aw a si.

Mi tamsawn ih timi hi a dik ringring lo lawng si loin, a caancaan ahcun thihpi ding khop in a palh ttheu a si.

 

Ka Pa, Na thu ngai loin mi tamsawn ih thu ka zum pangmi in ngaidam aw. Sangka pi si loin Na sangka sawn hril thiam ding in khihhmuh aw.

Tuni ah Pathian ih rundamnak sangka fate thlun dingah

ka duhhrilnak in ziangti’n hmual a neihter?

 

@Ava Pennington

Comments

comments

Comments

%d bloggers like this: