Libya Ramah US Ram Palai Ambassador Thah A Si

Reuter News leh BBC in an sim nakah Libya ram Benghazi khawpi ih US Consulate cu  mipi pungkhawm pawlin an simih himi laiah Salafi Tapung pawlin tikcu remcangah rak lain meithal leh bomb hmangin US ram pailai hmunhi an kap ciamco ruangah US Ambassdor,  Christopher Stevens leh a hnatuanpi  minung 3 cu kahthat an si tiah an simih, himi thuhi US State Department khalin thufiang a si tiah an nemhnget thu an puangve.

Libya ram leh Egypt ram mipi pawlcun an ramih US ram palai hmun hi an sim ih, Libya  Supreme Security Committee Thupuangtu, Abdel Monem Al- Hurr in a sim nakah himi buainakah midang ziangmawzat khalin hriamhma an tuar tiah a simih, Benghazi ih US ram palai hmun siimtu pawlhin  zungsungih  thilri leh Ceet pawimawh ziangmaw zat khal an lasuak tiah a sim. US ram palai thihnak hmunhi fiangten an rello ih, an Office an siim ruangah hmunhim lam panih Car thawi an tlansuak laiah rocket in an kapih a hnatuanpi a Car sungih a topimi minung 3 pawlthawn an thicih tiah an sim. US Ambassy cun an ruanghi Ralkap vanzam hmangin Tripoli khawipi ah phurih US ramih kuat dingin an tawlrel.

US Secretary of State, Hillary Clinton cun Benghazi ih thilthleng cun America ram mipi thinlung a tinazet a si tiah a simih leitlun  ram tinkim ih  US   misa leh thilri pawlcu kilhim dingih theihtawp suah dingin tiamkam nak a nei. Egypt ram mipi pungkhawm pawl khalin US palai Office kulhnak phar lawmliamin  a sungih thilri an siatsuahih US ram Thantar khal bawt thlain  meisa in an nawkkang hnuah a iaah puandum a tar.

Hiti vekin Egypt ram mipi leh Libya ram mipi in US parih an lungawilo nak an langter nak sanhi US Film pakhat in Zawlnei Mohanmed hmuhsuam leh relsiat zawngih film an tuah ruangah a siih, Himi ih hleiah kum  2010 ih Muslim Bible Koran urkang tumtu America ih Kristian Pastor  Terry Jones in   Al- Qaeda pawlin America in WTC an siatsuah campha Septembet ni 11 ih  Muslim sakhau hotu Zawlnei Mohammed  hnihsuah sainakih hmannak lam  thil pakhat a tlangzarh thu a puang ruangah Egypt leh Libya ramih Muslim  mipi pawl an thinheng nak asi tiah ruah asiih,  Yuotube ih an thlahmi “The Innocence of Muslim“ ti  asiih, Muslim pawlih lencan danvek  silo ih tarlan tum hmai zanthinghawngih  tuammi a siih,  zawlnei Mohammed khal mai mipa pi kawphmang vekih reknak khal a umih, hihi Egypt ramih Muslim hmun thianghlim pawimawh Al-Azhar, Mosque cun  a duhlo zetmi a si. Egypt ram mipi pawlcun  President Mohhammed Mursi cu himi film tuahsuak tu leh tisuak tuhi ngaidam dil dingih nawr dingin an nawrih, Himi Film tuahsuak tuhi Isreal leh America ram mi sinak neikawp sumdawng mi pakhat si tiah theihsuak a siih, a mahkhal a relh hlolai.

(Visited 508 times, 1 visits today)

Comments

comments

Comments

%d bloggers like this: