Letpanchaung ah Telenor Tower Bun Rero Lai

12347679_762090953924516_78639559655398265_nLetpanchaung khua ah telenor tower an bun rero lai. Mandalay ih hrambun Thawda & Tonedra Co., Ltd. in țuanvo la ih sak mi hi Telenor Phone Tower hi kum thar ah țheh cih thei an tum thu supervisor U Aung Min in a sim. “A hautak bik mi himi leilung ih a hram bun hi kan țheh cun a tlunlam ualsawh cu e, zarh khat tlukah kan țheh cih ko ding,” tiah a rel.

PCM Vengpi biakinn kiang Pa Biak Ling ih hmuan sungah 140 squared meter ih kau mi a foundation cu an lai ngah zo. Tower an saknak Pa Biak Ling tei cu an hmunram manah kum khat Ks. 1800000 (thla khat ting khat le hrek siarin) an pe thok ding. Kum hleinga sung lungkimtlangnak ca an tuahfel zo ih, a kum hnihnak ihsin kum khat ah 5% an pe bet ding tiah theih a si.

“Tui kum cu an sak thok fang a siih, thla khat ah ting 1.5 in pe dingin, cun a kum hnihnak ricin cun kum khatah zatek panga țhangin in pe dingin kum 15 hrang lungkimtlangnak ca kan tuah zo,” tiah Pa Biak Ling in a rel.

Letpanchaung lai-hlum tlangval pakhat khalin, “Khawtaw ah MPT tower pakhat kan nei zo. Tu Telenor tower a um sal dingih hnangam thlak nasa. Kan hman thleithlak dendo ve thei thlang dingih, nuam awm maimai! Tu hmanah Tahan hnak cun online ah kan nuam zet si. Internet speed ahcun kan khua a cak em,” tiah lunghmui takin a rel ve.

Kalay peng nitlak-saklam ah khaw 40 ttha lai an um ih MPT tower pakhat vial Letpanchaung ah a um lai. Tuih Telenor tower hi a pahnihnak ding a si.

(Visited 305 times, 1 visits today)

Comments

comments

Comments

%d bloggers like this: