Letpadaung Buainak, Mi 1 Thi

Letpadaung buainakLetpadaung ih thirsen laihnak hmun ruangah China ih Wanbao company in Myanmar miseenpi hnenah lao leinak sumpai a pek hai ih a sang duhlotu pawl ih lao pawl khal Wanbao company cun human an kulh thluh. Cumi thu ah lao neitu pawl cun an lao an ham ve ih December 22 ni ah nasatak in an buai.

Wanbao company cun, “Acozah ih lungkimnak in kan tuahmi a si,” an ti ih palik pawl khal in an company ih hmuah kulhmi pawl cu an kil. Lao neitu pawl in an lo an va ham tikah tank in an noraw ih, buainak a suak ruangah lothlo mi 1 a thi ih mi 10 hrawngin hliamhma an pu. Himi ah a thimi Daw Khin Win hrangah 88 Generation pawl in an bawm ih a kaptu cu zungthum a si zo.

December 23 ni ah khal lothlo pawl cun China rampalai zung hmaiah duhphorhnak an va nei ih, “Wan Pong company zamrangtein kan ram ihsin suak seh!” tiin an va au ciamco. Himi duhphorhnak an va tuahmi hi siannak sutta loin an tuahmi a si ih, palik zung lamin thuhla an relsak ding thu khal theih a si. A thimi thuhla le an buainak khal a thuhla cekfel an tum thu palik zungpi ihih palik bawipi in a sim. (Ref: Pyimyanmar, 7 Day Daily, Hruaitu)

(Visited 302 times, 1 visits today)

Comments

comments

Comments

%d bloggers like this: