Lemsertu Tlamtling

12801194_1044270188963598_8655233309962213177_nSianglianuk Kianghrol

Vei khat ah, pacang pakhat cu sak rero lai mi biakinn a va vehvai. A va thlen tikah Pathian ih lem a ser rero tu lemserthiam pakhat a hmu.

Lemsertu ih kiang ahcun cuvek thotho milem pakhat a um fawn. Curuangah, “Milem bangrep ciah pahnih tuah na tum maw?” tiah mangbang zet in a sut.

Lemsertu cun pacang cu zoh hran cuang lo in, “Si lo. Pakhat lawng kan ttul. Asinan a hmaisa ta kha ka ttheh zawng ciah ah a siat,” tiah a sawn.

Pacang cun milem cu a zoh rero ih a siatnak a hmu lo. Curuangah, “Khuitawk zawn a siat?” tiah a sut.

Lemsertu cun a hnattuan buaipi rero phah in, “A hnar ahkhan a rin ttial aw pakhat a um,” a ti.

“Milem hi khuitawk ah nan ret tum?”

“Pii kul a sang mi bantthuam parah kan ret ding.”

“Cu tluk a sannak hmun ih nan ret ahcun a hnar ih rin ttial fatakte men cu zo in an theithiam cuang ding?”

Cutikah lemsertu cun a hnattuan cawlhsan in pacang cu a hun zoh ih, hni-no phah in, “Keimah in ka thei ih, Pathian khal in a thei!” tiah a sawn.

Tlamtlinnak timi cu mi in an duh maw duh lo, poi an ti maw ti lo, tivek parah a tthum aw lo. Tlamtlinnak timi cu lenglam lang dan si lo in, sunglam ihsin a hung suak mi sawn a si.

Hram: Ngantu theih lo ih “The Perfectionist Sculptor.”

(Visited 114 times, 1 visits today)

Comments

comments

Comments

%d bloggers like this: