Leilung Vek Cekci Khawvel Dang Hmaikum Ah Hmusuak Ding

532374-kepler22bNews Limited Network

Hmaikum ah kan umnak leilung vek cekci leilung dang an hmuhsuah thu leh fiangfelfai zet ih pom hnget tlak a si thei ding ih zumnak an neih thu van le arsi umdan theitu pawl cun simlawknak an rak nei.

Van tlun Arsi pawl heltu leilung dang 800 lenglo pawl 1995 ah a hmaisabik an rak hmuh suak zo.

Cui an hmuh mi ṭhenkhat pawl cu “Goldilocks Zone” timi an lampi hernak zin sungah an um ih, dai tuklo, sa tuklo; tidai suah ter theinak ding khawp le nunnak um thei ding dinhmun an si tiin an rak hmu suak zo. An mah pawl lak ihsin pakua pawl sungah nunnak a um thei men ding tiin hrilsuah an si nan khawimi cekci ah nunnak a um, leilung vek cekci a si tiih puan mi cu an nei thei hrih lo.

An tumlam, an hercak lam le an thuhla an theih mal deuh lai ruang khal ah a si tiin an sim. Hmaikum ah leilung vek cekci a um tiih an simthei tumnak san khal tui NASA pawl ih Chile ih an neih tharmi cet thilthuam NASA’s Kepler Space Telescope le European Southern Observatory’s HARPS pawl hmangih zingzoi an tumnak ruangah a si.

Hi leilung dang lak ihsin kan umnak khawvel naibik ih heltu Tau Ceti and Alpha Centauri pawl ih thuhla hi tamdeuh zir le zingzoi an tum ih himi ah nunnak a um thei ding khal zumnak tamzet an nei. Tui scientist thiam pawl cun tui kan leilung lenglam arsi lengah arsi dang billion 200 lenglo an um ih cumi pawl cu leilung dang billion 50 lenglo in an hel tiin an thei.

Comments

comments

3 Comments

  1. Kan Pa Pathian ih thil sersiammi pawl hi an va mak in an va mangbangh thlak em ve…

  2. Rak thlir ringring uh, an hmu suak dah ngaingai lo ding. Tui hlan kum 12 rei ah khan Science Commentator pakhat in, “We might be from Mars” a rak ti dah. Milai hi Mars Planet ihsin ra mi kan rak si men thei, a tinak a si. Culai ah, mars planet ah tidai luandahnak vek an hmuih cutawkih vaih leh thei an rak ruahsan. Asinan, a dik cuang lo.
    “Pathian in LEITLUN a duhdawt tuk ruangah a Fapa neihsun a pe. Mi zokhal a zumtu cun hloral lo in kumkhaw nunnak an neih theinak dingah..”(John 3:16)timi thutak hi hi Planet Earth a si zia a hnget ringring ding. Pathian dokalh in minungin thutin a per rero theu. Aw, thuphan pertu! Na hmakhua a pit!!!! Aw, thuphan rak zumtu na hmakhua a pit!!!

  3. Pa Ren na ngan mi kha ttha ka ti tuk.Leitlun cem ding tiang an thei aw ter.An duhduh in an rel.Minung fim awk ter nak hi cu zum ttheh ding a si lo dan fiang tukin a lang vivo a si hi..lungawi.

Comments

%d bloggers like this: