Leitlunpum Huap Khristian Thuthang

Lawrkhawmtu: Dr. Timothy Sui Lian Mang

*Mizoram Presbyterian khalin, Presbyterian Church (USA) cu neih bangrep (same sex marriage ) thitawktheinak Dan a hmang ih hleiah rawngbawltu tiang ih a nemhngeh hai ruangah tui kum June ni 10 ihsin an zawmnak an ticat thu an puang ve riai. Anmah USA presbyterianKawhhran tam zetin an suahsan thlang ruangah an budget khal an thum nasa. US ih State 30-pawl cun, “ neihawknak hi mipa le nunau lawng a si ding,” tiah an pawm. State 6 le District of Columbia lawng ah neih bangrep thitawk Dan hi an hmang.

*US President hril dingin Republican party candidate, Mitt Romney cun neih bangrep thitawknak thu thawi pehparin, “Mipa le nunau karlak lawngah a si a tul,” tiih a aupi lai ah Barack Obama ve thung cun, ‘Neih bangrep thitawk hi tha a ti thu….’ a aupi ve ko. Kawhhran tampi cun Obama hi an duh lo nasa. Mitt Romney hi Church of Jesus Christ of Latter Day Saint (Mormon) a si ih, himi hi fehsualpawl tiih pawm an si ruangah ziang bang leh pei maw?Asinan, amah hi economist lam ih mithiam hminthang a si ruangah US hin an ram tluse rero tundinnak ah kan tul zet fawn tiah an ti.

Amnesty International ih an tarlang vekin, Iran ram pastor, Nadarkhani cu Iran Cozah hin thuphan a phunphun in taza an cuai ih Muslim biaknak ih luhsal an fial rero hnu khalah a duh lo rori ti an theih ngah cun, ‘thah ding in…’ a thu relthluk a si tariai. Hi Pastor diknak a relsaktu, Lawyer (sihni) khal Iran cozah hin kum 9 sung thawng tla ding le kum 10 sung dan(upadi) lampang tham thei nawn lo dingin an hrembet. (Thla camsak hai uhsi). Open Doors hotupa, Dr. Garl Moeller cun, “Leitlun pumpi ah Khristian hi tambik hmansehla thuneihnak hmangih palbetbik mi biaknak a si, hi biaknak thluntupawl hin thah le hremnak si seh, martar khal siar cawk an si nawn lo,” tiah a ti.

*Hebrew University ih khuahlan thil hlun hliakhlaitupawl (Archeologist) cun tubaite ah Jerusalem kiangte ih an thil laihsuah mi ihsin, “BIBLE THU A DIKZIA a nemhnget a si,” tiah an ti. Himi hi Siangpahrang David le a fapa Solomon tla ih lalnak ram rori (B.C. 1000) kha a si an ti. Solomon Temple hnatuannak khal tam zet an hmusuak.

*International Geology Review cun tubai ih khuahlan thil hlun an zingzawinak ah, “Jesu an khenbet ni rori kha kan thei thlang, Jesu kha April ni 3, 33 ah an rak khengbet a si,” tiah thu an suah. Himi hi linghnin umdan ihsi an zir mi a si. Tipi Thi (dead sea) hnuaiih ling hnindan leEin spa BeachJerusalem ihsi peng 13 a hlat mi hnuaiih linghnindanpawl in an zir. Mat. 27 in, Jesu  thih laiih linghnin thu a ngan mi thawi milaw thei dingin nasa zetih kan zirsuah mi a si tiah an tarlang.

*Tulai UNO khal ih a buaipibik mi, Syria ram politik buainak ruangah Khristian mi 50,000 lenglo in Siria an suahsan zo. Khristianpawl cun Siria president Bashil al-Asasd hi an duh thotho nan; ziangahtile hi president a duhlotu(opposition)-pawl ih Siria ram an uk pang asileMuslim aat ih aapawl hi an lal tuk ding ih Khristianpawl hin kan tuar tuk ding ti hi an phan bik mi a si. Siria politik buainak ah hin milai 7,000 lenglo an thi zo tiah UNO cun a phuang.

(Visited 96 times, 1 visits today)

Comments

comments

One Comment

  1. US Lam cu saher a va um hleice ve.
    CT le Saya Sui nan ti tha na sa. A bengvar thlak na sa.

Comments

%d bloggers like this: