Leitlun Vanram

November 22

Nipi Ni

 

Leitlun Vanram

 

Siar:

Thusimtu 2:15-26

 

Leilung tlun thil pawl ruat loin vancung thil pawl khi ruat sawn uh.

– Kolose 3:2

 

Kumkhat Sung Baibal:

–   Ezkiel 18-19

–   James 4

 

Singapore ih condominium ttaihkhan  pawl  zuartu company in hiti’n a cawngia: Leitlun ah vanram tong saal hmaisabik aw! An ti duhsanmi cu a leitu ding pawl kha an lei dingmi innkhan cu a nuamtuk ruangah leilung parih vanram vek a si ti an theihter.                   

 

Thusimtu ngantu Solomon cu milianzet a si (Thusimtu 1:12). Leilung tlun ah vanram hawltu a si ih  a duh zat nuamzet in a um (2:1-10). Asinan a di a riam thei lo. A ruah vek a si lo ruangah a thin a nau ih, “Thu lolak” timi ttongfang hi bung 2 sung lawngah veiriat a nolh. “Ni tang ih” nunnak lawng a zoh sung cu pakpalawng in a thei aw ih a nun di a riam thei lo. A zuamnak hmuahhmuah cu a netnak ah thulolak an si. Ziangahtile a nehhnu ih a airawltu hnenah a taanta thluh ding (2: 18).

    

Khristian na si ahcun Jesuh Khrih in a lo tiamkammi vancung inn ruahsan ding na nei (John 14:2). Curuangah Pathian ih pekmi inn a cotu pawl hnenah Paul in, “Leilung tlun thil pawl ruat loin vancung thil pawl khi ruat sawn uh,” (Kol.3:2) tiah a ti. Leitlun ah Vanram tong ding zuam hlah. Ziangtluk harzet ih na hawl hmanah na tong lo ding. 

 

Rei awh lo leitlun nomnak kha thupi in kai hlah,

Sentlung ih tuahmi thil pawl hi thlahthlam men aw;

A famkimmi kumkhua hnget thil pawl napi’n kai aw,

Khrih umnak hmun vancung ram.

 

Vancung ah thinlung a rettu cun leitlun thilri an kai hnget lo ding.

 

(Visited 16 times, 1 visits today)

Comments

comments

Comments

%d bloggers like this: