Leitlun Thuthang tharhlam..SBT

25th August,2009  

US In Vansang Lawng Kap Suak Ding 

Tuisun ih Kahsuak dingih an tumtah mi US Vansang boruak lawng Discovery cu nikhua a siat ruangah nazi 24 sung ti khawtlai sal a si.  Cape Canaveral ihsi kahsuak dingmi hi Vansang boruak lawng hin  International Space Station (ISS) a pan dingih, kahsuak an tumnak hmun Cape Canaveral hmunhi ?ek tla leh nikhua a siat tuk ruangah thaisun ah kapsuak dingin timlam nak an neisal. 

Hi Vansang boruak lawngih to dinghi  European Space Agency mithiam Swedan rammi Christer Fuglesang in a ho dingih ISS an hung um sungah leitlun lenglam an hung umnak ding boruak khal an thu hnuaiah an hung ret dingih, US Vansang boruak lawnghin US vansang boruak umdan zirtu Nicole Stott cu ISS ah a hun ret dingih  a ai ah ISS ih colhni kar 5 rak umzotu Timkopra cu lei ah a run phur thla thungding a si. Discovery Lawnghin Vansang boruak zir nakdingih leitlun ram dangdang pawlih  hna an ?uan nak ding ISS ih Vansang boruak lawng 30 feh nakding thilri phunphun an hun phur so ding a si.

Iraq Bomb Puak 

Tuisun nah Iraq khawpi Baghdad thlanglamih Kut khua ih Bus 2 sungah Bomb a puakih minung 11 an thi ih midnag 22 in hriamhma an tuar. Kut khua hi Wasit Province ih um a siih, Iraq ram hmun dangdang ih buainak a suah ringring khal ah himi Wasit Privince hi buainak a suak dahlo nak hmun a si. 

 Wasit Provincial Council hruaitu Mahmoud Abdulla cun  tui ?um ih buainak thlenghi an Province sungih buainak thleng hmaisa bik a si tiah a simih, Tapung misual pawlin buainak tuah ih mipi thinlung sual zawngih hruaisual an tumnak thil a  si a ti.  

South Korea Leh North Korea Be Aw Ding.

BBC in a sim nakah kum 50 ihsi rak ?henaw ram Inn hnen ngaih awlo zet  palkai aw dahlo South Korea leh North Korea cu  ram pahnih rualrem awknak leh palkai awk nak lamzin ?ha hawl in an be aw ding tiah South Korea ram hotu pawlin an puang tiah BBC cun a sim.Tui South Korea leh North Korea ram pahnih be aw dingin Red Cross cun lamzin a rak hawl sakzo ih cumi cu kum khat lenglo ti khaw tlai a si zo ih, tui ?um khalhi Red Cross ih lamzin hawlsak sal mi a si. 

Tui an biakawk nakding hi North Korea ramih Mount Kumgang ah thaisun ihsin nithum sung an be aw dingih, kum 2008 ihsi South Korea President, Lee Myung Bak a si ihsin hi ram inn hnen hi palkai awlo in ramri khar a siih, South Korea President, Lee Myung Bak in sumpai an bawmnak pawlkhal a titawp hnu ah North Korea cun an ramah South Korea minung pawlkhal luhter  siang nawnlo in an ramri a khar a si. 

North Korea leh South Korea hi ram Inn hnen  an siih miphun khal phunkhat an si ih sungkhat rualpi tha Ule nau pawlkhal an um veve in  Cozah in ramri a khar ihsin sungkhat leh U nau ruapi khal an hmun aw thei nawnlo ih tui ?um an biak awknak a tluang a si ah cun tikcu caan reipi hmu aw theilo sungkhat leh rualpi pawlkhal an hmu aw thei thlang ding a si. 

Himi laiah North Korea cun Nuclear ralthuam thu relpi dingin US palai Stephen Bosworth cu hmaithla ih an ram tlawng dingin an sawm.

CIA Hotu In An Thil Timi Ah Ding Hnget Tum 

CIA pawlin misual an kaih mipawl an hremdan rapthlak tukih an relmi thuhla pawl zingzoi dingah High Value Detainee Invetigation Group din a si ih, hi nah hin US ram mithiam leh dan thei pawlkhal an tel.Hi pawlin US Ralkap pawlih an kaihmi an hremdan pawlleh, Thawngtla pawl lakih nunau leh mipi sinak hmanpi, nauhak hrimhro nak thu pawlkhal an zingzoi ding a si.

Himi laiah CIA Director, Leon Panetta cun  CIA pawlih hna?uan dan zinzoi an tumi thu ah a hnuai ih hnatun tupawlih thilti dan cu hngetzetih a dinpi dingthu a simih danvekih hna an ?uan thu leh an ramdanih tuahding an tivekih an tuat thu a sim. 

President, Obama khalin mizan sunah Federal Bureau Of Invetigation Security (FBI) kaihhruai nak hnuai ah pawl dinsalin, an hna?uandan zohfel pi dingin National Security Adviser, James Jones cu a ruat betsalih  hi pawlhi lehhnu ih ralkap pawlin misual an kaih mi dantuah mi vekin an hrem maw ti pawl a zoh fiang sak ding a si. 

Relzo vekin CIA pawlih mi hremdan cu mipi ih hmuh thei dingin a voi 2 nak pholang a si dingih hihi mi tampi cun ralkap pawl ti mualpho tumnak a si tiah an sawsel zet. himi thu ah mipi ngaih dan phunphun a umih CIA pawlih mi hremdan mipi hmaiih pholang dingmi pawl lakah ralkap pawlih thusuh dan, US siatsuah leh an tumah cun an sungte pawlthawi thah thluh ding, ralthuam phunphun thawi hro, rulpi tur neilo thawi bawm pakhat sungih khumtlang, thizik te khawpih vuak leh velh, tipawl a telding. 

CIA Director, Leon Panetta cun an thiti dan ah tisual mi an neihlo thu a simih  rampi danih a ummi Justic Department hnuaiih fehmi a siih, tiding ih an fialmi vekih tuahnmi a siih President, Obama khalin a sawisel a zumlo thu a sim. CIA  thil timi ?an zawngih thilti a tum lo nan  US rampi ?hat nak dingih an thil tuah mi parah hnget zetih din a tumthu a sim.

Tapung Pawlin Tlangleng Colh Hmun Bomb 

Tuizing khawvang zawngah India ram Orissa State, Sundagart District in Tlangleng colhhmun cu Naxal Tapung pawlin an bomb siat ih a hna?uan tu minung 3 an ru hlocih. Rourkela ihsi Km 80 hrawngih hla Iron phurtru  Roxy Tlangleng Station bomb tu hi minungb 20 hrawng an siih ralthuam meithal ?ha zetzet an kengih, Tlangleng Station ih hna?uantu pawlcu hmunhim lamih thiarsuak aw dingin an simih cumi hnu ah  an Bomb siatih a kiangkap ih Car 15 khal meisa in an nawkkang ta. 

Naxalite pawlhin mizan sunih sin  State 5  Bihar, Jharkhand, West Bangal, Orissa, leh Chattigarh ah nazi 48 sung Bandh an puangih cumi ti hlawhtling nakdingah hmuntin ah buainak an tuahsuak. 

Tuizing thotho ah Bihar State Aurangabad District ih Ikri Community Hall khal an bomb siat ih Palik bawipa, Neel mani in an simnak ah Ikri khua siim tu pawlhi minung 100 hrawng an nsiih ralthuam hriamnan kengin khawsung mipi pawl an hringhro ih cumi hnu ah Community Hall hi an bomb a si tiah a sim. Naxal tapung pawlin buainak an tuah rero ruangah  mizan sunih sin tuisun tiang State 5 sungah khualtlawng phur mawtaw leh tlangleng pawl cu colh ter an si. 

Ben Bernanke In a Hna Tuan Bet Ding Ah Zum 

US President, hmaisa Bush in a rakret cia mi US ih Bank tumbik Federal Reserve ih Chairman, Ben Bernanke cu a hna kel ?uansal dingah zum a si.Ben Bernanke hi hnakum January ah a hna?uancaan cemding a siih, President, Obama khalin leitlun ram tinkimin sumpai dinhmun ih tlaksiat nak a tawnlai ah   beidawnglo leh phunzai loih US rampi khaisangtu a si tiah mipi tamzetin an ruat a si a ti, cu ruangah Cozah hmaisa ih rakret mi sikhal sehla Obma ih cozah khalin an ?uanter bet dingah zum a si. 

Himi laiah White House ih Chief Ecinomic Adviser, Larry Mummer khalin a thleng thei titu tampi an umve. 

Ruang Sar

Pakistan ramih Swat Valley ah Tapung pawlih ruang 22 cu mizan nah an sarih, kandung zarh khalah ruang 18 an raksarzo. Tualsung mipi pawlcun Pakistan ralkap pawlin Tapung pawl an do laiah  phualam hawlin sualnak neilo Tapung sivelo tualsungmi tampi an that cih tiah an simih, Asi nan Ralkap leh Tapung pawlcun Ralkap pawlin Tapung pawl an do laiah tualsung mipawlin tikcu remcangla in an mihuat zawng tampi an that tiah an simve. 

Pakistan Human Rights Commission hotu I A Rehmand cun  hi an sarmi ruang pawlhi zo an si ti leh Tapung pawlih ruang asi taktak maw” zo ih thah mi an si timi zingzoi suak dingin thu a suah nan  Cozah lamin an ngai pawimawh tuklo tiah an sim. 

Pathian Kan Cah nak 

24th August, 2009

Leitlun Fala Mawi Hril Nak 

Tuikum 2009 Miss Universe hrilnak Bahamas tikulh ih an tuah micu mizan ah an ?heh ih Miss Universe tharah Miss Venezeula, Stefania Fernandez kum 18 micu hril tlin a si. A mahhi Russia, Ukraine, Galician leh Polist thisen kaimi kahpia a si. 

Tuikum MIss Universe an hril nakhi kumdang hnakin a danglam zetih Miss Universe 2 nak hi minung 2 an umih, Miss Australia,  Rachael Finch leh Miss Puerto Rico, Mayra Matos Peres cu pahnih nak an si veve.  Miss Kosovo, Gona Dragusha cu 3 nak a siih, Venezuela ramhin Miss Universe hi kum 5 an lazo ih, Miss World kum 4 leh Miss International kum 4 khal an rak lazo. 

Tuikum ih Miss Universe hrilnak ah hin  Miss Congeniality ah Miss China, Wang Jing Yao leh Miss Photogenic ah Miss Thailand, Chutima Durangdej cu hril an si.  

CIA Pawlih Mi Hrem Dan Tarlang Ding 

CIA pawlin misual an kaihih thawng Inn sungih an hremdan ah minung diknak, Covo leh zah umnak tiang ti hlo sak khawpin an hrem naa ti theihsuak a si ruangah, an hremdan mipi hmuhih tarlang dingin  America Civil Liberties Union in Court ih a dil vekin  CIA pawlin misual an hremdan zuk pawlcu  mipi hnuh theih ih tarlangsuak dingin  US Federal Judge cun thu peknak a suah zo. 

US Judge Deparment leh CIA Lowyer pawlcun  tuikum June thla ihsin himi thupawl cu an rak zoh tlang rero zo ih, US Cozah danih sianlo mitiang hremawk nak a umih hmuh a si ruangah, US Attorney General, Eric Holder cu himi thuhla ih thilsual titu pawl parah hrem theinak nei dingin thu pek a sizo.

(Visited 47 times, 1 visits today)

Comments

comments

Comments

%d bloggers like this: