Leitlun Thuthang Lawrkhawm

31st October, 2009

US Vanzam A Ttaih Aw

US ih California State thlanglam tipi tlunah Lawng ralkap Helicopter AH-1 Cobra Minung 2 to nak leh  tipi thuanthum kap kiltu Vanzam C-130 minung 7 to nak cu tihni zan nazi 7: 10 ah tipi tlunah a ttaih aw ih a sungih to minung 9 cu an thi thluh ih theih a siih, an ruanghi hawl rero lai an si.
Hi Vanzam hi San Clemente tikulh ihsi Peng 25 hrawngih hla tipi tlunih ttaih aw a siih, US ralkap hotu Lt,Josh Nelson cun  hi vanzam tlaknak kiangte ah Vanzam kekkuai them khal hmuhzo a siih, nikhua tthazet hnuaiih hnattuan an si ruangah mithi ruang pawlkhal a reihlan ah hmusuak an beisei thu a sim. Hi mithi ruang pawlhi ralkap Helicopter leh ralkap lawng ziangmaw zat thawn hawl rero lai an si.

Canada Ram Ih Sin Kuatkir Sal

Thailand ram Bangkok Of Commerce ih Paisa Dollar Million 80 i ruhlo tu ih an simmi Rakesh Saxena cu a thuhla relfiang sak dingin  Canada ran Vancover ihsin  Thailand ramah kuatkir sal a si. Rakesh Saxena hin   Thailand ramih kuatkir sallo dingin  Canada Cozah hi kum 13 sung a rakdilzo ih, Asi nan  Canda ram Cozah in a dilnak hi an pawmlo ih  an kuatkir sal a si,
Thailand Attorney General Office Thupuangtu cun  Saxena hi thubuai 20 lenglo tuahsak a si a ti. Himi laiah Saxena ih Lowger Amandeep Singh cun  Saxena hin a thubuai ah thiamco a beisei zet tiah a sim.

Brazil Vanzam A Hlo

Globo News in a sim nakah Brazil ralkap pawlin khual tlawn nakih an hman ttheumi Vanzam pakhat Cessna C-98 Caravan cu Amazon ram tlunih a zuan lai ihsin biak pop theih nawnlo in a hlo ih, Hi Vanzam sungah hin a mawngtu minung 2 leh midang 11 an to ih Health Ministry ih hna ttuan minung 7 leh ralkap 4 leh a mawngtu minung 2 an si. Hi Vanzam hi ziangruang bikah ahlo ti theifiang nak a um hrihlo ih thu neitu pawlin a hloh naksan an zingzoi rero lai tiah Globo News cun a sim.

Ban Ko-Moon In A Ti

United Nations Secretary General, Ban Ki- Moon cun  Mizansunih New York ih UN Security Council tonkhawm awknak ah  Afghanistan ramih UN hna ttuan tu pawlcu tuihlan  hnakin kilhim nak tthazet ih pekbet an ttul a si  a ti. Ban Ki- Moon cun tui naite hranwgihsin  Afghansitan ramih Tapung misual pawlin UN hna ttuantu leh ramdang mi pawimawh pawlcu siatsuah an tum thar ciamco ih cu ruangah kilhim nak hna ttuantu ralkap tamsawn retbet an ttul a si a ti.
Ban Ki-Moon cun  hi misual pawlih buainak tuah ruangah UN cun Afghanistan ramih a hna ttuannakcu a buai phah cuanglo ding a ti. Ban Ki-Moon cun  Afghanistan President, Hamid Karzai thawi telephone ih an biak awknak thu leh  Presidnet, Karzai in UN hna ttuantu pawl leh ramdang mi pawimawh pawlcu kilhim nak pek tthat leh an hrangih kilhim tu ralkap tamsawn ret a tum ti thu khal Ban Ki- Moon hin a sim.
30th October, 2009

IAEA Pawlin Iran Ram An Suahsan Zo

Iran Nuclear ralthuam tuahnak ding hmun zoh fiangtu UN ai awhtu pawlcun  Iran ramih ni 4 an caam sungih tuahttul mipawl an zohfiang thluh hnu ah, Mizansunah Vienna khawpi an thlengsalzo.
Vienna khawpi ih Thuthangca latu pawl an kom nakah International Atomic Energy Agency ai awh ih feh Herman Naukaerts cun Iran ramsungih an thil zohfiang mi pawlcu thil lungawi um zet an si tiah a sim.
Thuthangca latu pawlin Iran in Nuclear tuahnak thilri a neihmi pawlcu Nuclear ralthuam tuahnak ding a si maw? ti ih an suhnak cu IAEA hotu cun  a let theilo thu in a simih, an thil hmuhsuak mi pawlcu thil ttha a si ti leh an caam sungih Fordo Eurichment Plant khal an zoh thu in a let.
Herman Naukaerts cun an thil hmuhmi leh thil umdan cu IAEA Director General ih hnenah thuhla kimten kanpe dingih  IAEA Director General in Iran thuhla ah thu tluknak a tuah ding tiah a sim.

PM Singh In Pakistan Puh nak A Diklo A Ti

India ram Prime Minister, Manmohan Singh in mizansunih Srinagar ih thu a sim nakah, Pakistan leh India ram pahnih rualrem awknak lamzin hawlih biakawk nak nei dingcun Pakistan in a ramsungih  misual Tapung pawl a  humhim lo hmaisak a ttul ih, Cumi hnu lawngah  ram pahnih karlak ih rualrem awknak lamzin hawlih biakawk nak in umzia a nei ding a ti.
PM Singh cun ram pahnih karlak ih rualrem awknak lamzin hawlih biakawk nak cun a thu menmen lawng silo in a taktak ih langter a ttul ih, Pakistan in a ramsungih misual Tapung pawl a humhim ringring cingih ramdang nawrnak men ruangih biakawknak neih dingcu India cun a ngamlo a si a ti.
PM Singh cun  Pakistan Interior MInister, Rehman Maliki in  India Cozah in Taliban pawl a bawm  ti ih India  a puhnak cun  zum tlaklo leh  phuahcawp a siih, Pakistan in thudiklo phenih relh a tumnak ih India kaikawh a tumnak a si ih ram pakhat Minister ih ttongdingah cun zah thlak zetmi a si a ti.
(Visited 32 times, 1 visits today)

Comments

comments

Comments

%d bloggers like this: