Leitlun Thilri Kuatawknak le Sumpai

Thansoh Bawmtu – Part 6

EITLUN THILRI KUATAWKNAK LE SUMPAI

Thungaiten ti ahcun sumpai hi ziangkim tawlreltu cu asilo. Leitlun rampi hi ram khat le khat thilri tulsammi kuatawk sawng dualdonak zuarleiawknak ih her kual aw reromi men asi. Curuangah sumpai aum lo ahcun thilri zuarleiawknak hi thil ol asilo.

Ruat ve hnik aw, thimnakah France ramah Straw Berry kan kuat ih an leizatman in cawhnawi khal(cheese) in kuat kir ve ih cawhnawikhal phurtu longpi ara thlen hngak in asilole Straw Berry pathat kum ah cui straw berry cu hnakum zuar dingah tiin ret khawmnak ah ret in cawhnawikhal pakhat hrangah straw berry rah paziat hrawng atawk ding tiih ruahnak hi a taktak ahcun acang theilomi thil pakhat asi.

Hih atlunih thubuai thilri man aiawhtu dingah thilri pakhat khat lawngin a simfiang thei ding asi. Cui thilri kan timi cu,”sumpai” kan ti hnik pei. Germany tangka, Japan tangka, America tangka, asilole British tangka.adt. pakhat khat asi thei. Hitawk sungah sumpai hmin athupibik mi asilo. Hih thilri hrekkhat asilole cahnahfang hin thilri kuatnak  thenthum in them in atangkainak themthum aneih ter thei asi. Cupawl cu:
1) Sumpai hi thlengawknak hrangah karlak thilri ih hman.
2) Sumpai hi”a man ‘ value’” pakhat ah tuikum ihsin a ra dingmi kum hrangih khawl.
3) Sumpai hi a nambat vekih hman ding asi.

Sumpai aiawh in hlansan thuanthu ah kharkhem kawm, thulhfaurah tivek santiluan ah sumfai, asilole bak tawn(credit card), computer san ih bank sum kuatawkdanpawl khalin bangranten hna an tuan thluh. Ahleice in hipawl lakah sumfai hin thilri tulmi zuarleinak ah hman ahlawh bik miangmo. Straw Berry hi sumpai in zuarsuak thluh asi. Cui paisa in cawhnawikhal si maw, adang thilri si maw, leinak dingah sumpai hman asi. Cuvekin ram khat le khat thilri thlengawknak, kuatawknak ah sumpai hi palai ah hman asi.

Sum hi thil man pakhat khat ahleifuan aum tikah siseh, a ralai dingmi cansaupi hrang khalah hna atuan. Nikhat khat ah cawhnawikhal lei duhtu an um tikah straw berry neitu in cuih can a kim ding cu a hngak thei hrimhrim lo. A tikcu can te ih a zuar lo ahcun a straw berry in a siatsan thluh ding ruangah be lo ah acang ding asi. Straw Berry cut lai ih a zuar ruangah angahmi sumpai cu a ra dingmi hnakum hrangah a sumpai cu sumhram ih ahman tikah sumhram ihsin angah sum an par ding asi.

Sumpai ziangzat anei timi hi a tenaubik thilri a neihsiah ihsin thlir theih asi. Thilri tulsammi hrangah sumpai hi thilri pakhat vekih hman asi. Curuangah cawhnawikhal pakhat tuahnak dingah straw berry pakhat atul timi cu sumpai lawngin lai arel thei. Vanzam lethmat pakhat hrangah apple pumziat man atul pei. Sammehnak man hi sa cannak hmuk pakhat thawn aman an bangaw ding tivekpawl hi sumpai lawngih lairel theimi an si.

Thilri le atulmi hminsin ih simfiangnak ahcun sumpai ih bawmnak ringin tuisun nitiang an sim cio. Curuangah leitlun sumdawnnak ah olsamten sum an dawnawk theinak asi.

Comments

comments

Comments

%d bloggers like this: