Leitlun Thahawk Tambiknak Khawpi 10

Leitlun ih khawnuambik hrilnak a um ṭheu vekin hmun ṭihnungbik khal hrilnak an nei. America, Brazil ihsin Hondura cutin Mexico leitlun hmun zatin pawl cu ziangtluk mi that aw antam, sivai sia zuarnak, tharum thawh ih buainak tvp; sualnak pawl tahfung thawn Mexico ih thuruatthiam khawlkhawm (thin tank) pawl ih hrilnak an nei. Thilmak tiih an ti hleice mi cu Latin America in a pakhatnak ihsin pahranak tiang an ngahnak hi a si.

No. 1: San Pedro Sula, Honduras

Honduras ih innkhi 100000 ah mi that 159 an um ti a siih leitlun ih mi thatawknak tambik khua a si. South America le North America ihsin sivai pawl daan lo ih a zuartu pawl an cawlhnak hmun pibik a siih leitlun ih cocaine hi zatek 80 tluk an khua ah a um.

No. 2: Ciudad Juarez, Mexico

Hi ram hi ramri a sivekin United state ihsin sivai dan lo vek ih an zuarsuahnak lampi a si. Leitlun ih hmun ṭihnungbiknak hmun tiih kawhnak hmun khal a si. Palik pawl khal rinsan an tlak lo ih palik pawl ih thamnak ruangah a ṭihnunnak khal a ti luar ce. 2008 le 2010 karlak ih Juarez le Sinaloa  khawpi pahnih ih  thahawknak ah mi 6000 lenglo an thi. Tui kum The Washington Post ih a tarlang danah cun mithataw hi mi 580 an um tiin a hminsin. Innkhi 100000 ah mi 148 pawl in mi an that tinak a si. Jaurez hi cutin leitlun ih khawpi ṭihnungbik pahnihnak ih hril tlak luanlam a si tiin an hminsin.

No. 3: Maceio, Brazil

Brazil cozah pawlin an khawpi Maceio cu ramleng khualtlawng pawl ih an lennak hmun a si tiih puan an duh laiah an khawpiih mi thah awknak cu innkhi 100000 ah mi 135 pawl in mi an that tiin hminsin a rak ngah.

No. 4: Acapulco, Mexico

An tipikap tuahremthar ruang ih mikhual tamnak hmun, beunak inn hotel man sang le ropi umnak hmun, nightclub hmun nuam relrehlo khawpi khal sivai dan lo ih zuarnak ruangah le tharum ih thahawknak ih hminsin a sinak cu a malh theih hrih lo. A nih hi innkhi 100000 ah 128 in mi an that tiin hminsin a nei lai.

No. 5: Distrito Central, Honduras

A thupte ih sivai ṭhalo zuarnak ruangah thah awknak a hleice in a um. Hi khawpi hi Honduran ih sualnak lalpa Tegucigalpa le aphirpi Cmayaguela pawl ih hrihram bunnak khawpi a si. 2009 ah an khawpiih sivai zuarnak ih lalpa tiih kawhmi Tegucigalpa cu a mawṭo ah an kah that. Inn khi 100000 ah mi that 100 an um.

No. 6: Caracas, Venezuela

Malandros tiih kawh ṭheu mi hi khawpi mino tleirawl a pawlkom ih sualral bawl ṭheunak le sivai zuarnak hmun pi hin Venezuela khawpi ih ralpi a suahter ringring tu khawpi khal a si. 2011 ah Caracas khawpi ah mi that aw mi 3164 an um zo. Hi hnak in mithat aw hi an tam ding an zum bet lai. Zatek 90 hnak tluk ih tam thahawknak hi zingzoi bet a si nawn lo. Hngilhsan men mi an si thluh. 1998 ih Chavez hrilawknak an tuah ihsin thah awknak hi a let rori in a tam. An ni hin innkhi 100000 ah mi that 99 an um.

No. 7: Torreon, Mexico

Sivai ruangaih ralpi tho ringringnak hmun pakhat a si ve ih nitlaknak lam Torreon khawpi tla cu Mexico fehnak zin a si vekin sivai zuarnak ih lampi hmun pakhat khal a si. Tuikum July thla zarhpi ni, ni khat ni ah mi 10 rori veikhat kah that in an rak kap that aw dah. Hi khawpi ih inn khi 100000 ah mi that 88 an um.

No. 8: Chihuahua, Mexico

Hi khawpi hi Mexico le Texas karlak ihsi km 250 tluk ih hla a siih cocaine US ih an kuatnak hmun lamzin pi a si. Inn khi 100000 ah mithat 83 an um. 2006 hnulam Felipe Calderon ih lalnak a ṭuan hnu ah thuthanglatu mi 50 lenglo an that zo. A hleice in hi tawk hmun ih sivai danlo ih zuar, pholangtu cu thah cih an si.

No. 9: Durango, Mexico

Durango khawpi nitlaknak lam ah zohman ih theihlo mi mithi ruang 340 lenglo hmun khat ih phum khawmnak fosa tiih kawhmi an hmu suak. Hi khuaih um mi pawl cu an DNA zohsak in a thimi pawl thawn unau an si maw silo an hawlsaknan thurelnak hmun ah an thu dik le felte ih relsak ding cu an tumtahmi a si cuanglo. Thudik rel ih nun humhimnak hmun a si lo tiih an tinak khua asi. Innkhi 100000 ah mithat 80 an um ve.

No. 10: Belem, Brazil

Bolivia ihsi sivai an tuahmi pawl cu, Colombia le Peru, Belem ah an pe suak ih South America ram sungih fehsuaknak lampi khua pawl an si. Hi sivai hi an khawpi ah a lut ih cutin Amazon ah vanzam in an kuat hnu ah, long pawl hmangin Brazil lamah an kuat sal ṭheu ih cutin Atlantic ihsin Europe ram le North Africa tiang an zem suak. Cuti an lampi Belam khua cu nitin nun sualnak  a ti pung. Innkhi 100000 ah mithat 78 an um.

(Visited 304 times, 1 visits today)

Comments

comments

Comments

%d bloggers like this: