Leitlun Sumpai Hmin Thawhkehnak

Thansoh Bawmtu- Part 7

LEITLUN SUMPAI HMIN THAWH KEHNAK

Leitlun sumdawnawknak ah atlangpi thu ih an hmanmi tangka in anmah le hmin ciar ah thuanthu an nei.

America cozah, Canada, le Australia,,adt.. ram tampi cun Dollar an hmang. Bohemia ram ah Thal tlang ruam Euro middle san lai ih an rak tuahmi tangkarua ihsi ra suakmi asi. Thal tlang ruam ih a hminpum cu Joachimthal asi. Joachimthal kiangkap ahcun tangka rua hi” joachimthal” tin an ko asilole “thal”tiin an ko. Cumicu mirang ih “dollar” timi tangka hmin ara suahnak asi.

British, Egypt, le Lebanon rampawl ahcun Pound an hmang. Sui asilole sui ih tuahmi thil, man anei zetmi thilri ih rihlam sim duhnak ihsi ra suakmi asi. Penny timi tongfang hi athupte zuarmi thilri(Pledge) ihsi ra suak mi asi. Thil pakhat khat hrangih amahkhan thilri tinak asi.

Italy le Turkey ram ahcun tangka hi “lira” tiin an ko. Latin tong ih “ Libra” ihsi ra suakmi asi. Asullam cu pound timi asiih sui tangkarua ih rihlam hminsinnak asi.
Spain ahcun cuai tiih kawh atheihmi “ Peso” cu tangka kawhnak ah an hmang. Sui asilole sumpai ih nehnak parah thum aw ih an kawhnak asi. Spain original tong ahcun sui tangka rua hi “Peso de Oro” tin an ko ih ngun tangkarua cu “ Peso de Plata” tin an ko. Spain tongih tongtupawl Latin America rampawl cun tangka hi Peso tiin an hmang.

Suilukhum(crown) tiih sullam nei Denmark le Norway ih “Krone” tiih an kawhmi, Sweden ram ih “Krona” tiin an tangka cu hmin an pek. Hlailai an pipu san laiih siangpahrang nu le pa in tangka aiawh ih hmang dingih an rak nemhngetmi tangkarua hmin cu an pusawng ter vivo ih cutin tangka cu suilukhum hmin thawn bangaw ih an peknak asi.

France le Switzerland, Belgium rampawl lawng an silo, ramdang hrekkhatpawl ramri umpawl khalin tangka hi”Franc” tiih an kawhmi khal hlanlai ah France ram ih sui tangka rua an rak hmanmi hmin pusawng aw ih ra suakmi asi. Hlanlai tangka rua par ahcun Latin tongih an nganmi Franks pawlih siangpahrang(King of the Franks) tiin tangka an rak nei.  Frank timi cu France ram kiangkap ih ram um dah hlanlai miphun hmin pakhat arak si.

Germany pawl cun tangka hi “Mark” tiin an ko asilole Finland ram cun “Markka” tiin an ko. Hih hminpawl hi tangka rua parih an telhmi hminsinnak(Mark) an kawhhmuhnak asi. Cun, Deutsche Mark hi a tawi zawngin D-mark tin an ko. Deutsche Mark timi cu German Mark tinak asi.

Saudi Arabia le Kata ram ih”Riyal” tiih an kawhmi Iran ih”Rial” tiih an kawhnak tangka hmin cu Latin tongih “Regal is” timi ihsi ra feh vivomi Spain pawlih tongfang”Real” timi sawh duhnak asi. Hlanlai ih siangpahrang tangka(Royal Coins) timi sim duhnak asi an ti.

Iraq le Jordan, Kuwait rampawlih an hman mi tangka”dinar” khal rom tangkarua ih “Denarius” ihsi ra suakmi asi. Hlanlai ah dar sen pyahra thawn bangrepmi Rom tangkarua cu “Denarius” tiin an rak ko.

India le Pakistan, ram ahcun tangka hi”Rupee” tin an ko ih Indonesia ahcun “Ruprah” tin an ko ve. Hih tangka kawhnak hi”Rupya” timi tongfang ihsi an lakmi asi. Cuvkein hlanlai ah China pawl khawhnak “yian” tiih sullam cu”a bial” asilole “thilhlum bialte” tinak si. Japan pawlih “Yen” le China pawlih “Yuan” timi khal hlanlai ihsi bangrep ih ra suak tlang an siih a bialdan original tangkarua sim duhnak asi.

Comments

comments

Comments

%d bloggers like this: