“Leitlun Rundamtu” Suaizuk $450,312,500 in An Zuar Ngah

Šianglianuk Ķianghrol 

November 15 ahkhan New York khawpi ah zuksuaithiam hminthang Leonardo da Vinci in Jesuh Khrih ih zuk rak suai mi, Salvator Mundi (Leitlun Rundamtu), suaizuk (painting) cu lilam in an zuar ih hmin tarlang duhlotu mi pakhat in Million 450.3 ih a lei ruangah leitlun ih suaizuk mankhung bik ah a cang.

Tui hlan ah lilam ih rak zuar suah mi suaizuk mankhung bik cu Pablo Picasso ih “Les Femmes d’Alger” ($173,364,992) a si.

Himi suaizuk hi tuihlan ahcun midang ih suai mi a si tiah an rak ruat ruangah 1958 kum ahkhan British pound 45 (tulai ih pound 800) hrawng lawng in an rak zuar.

Kum 500 hrawng a rei thlang mi himi suaizuk hi Russian billionaire Dmitry Rybolovlev in 2013 ahkhan $127.5 million in a rak lei ih Nilaini ahkhan lilam company ah a zawrh sal mi a si.

Leitlun ih suaizuk mankhung bik (lilam ih zuar mi si lo) cu Willem de Kooning ih “Interchange” suaizuk a si ih 2015 ahkhan David Keffen Foundation in Kenneth C. Griffin hnenah $ million 300 in a rak zuar.

Hram: Washington Post, The Telegraph (UK)

(Visited 105 times, 1 visits today)

Comments

comments

Comments

%d bloggers like this: