Leitlun Ram Pariat In Kawlram Thawn Pehtlaihnak Tuah An Duh

Leitlun ram pariat pawl in Kawlram thawn acozah lam pehtlaih-awknak (diplomatic relation) tuah dingin dilngennak an nei a si tin Kawlram Foreign Ministry ih tuanvo neitu pakhat cun July 4 ni ih tuahmi parliament thurel khawmnak ah a sim.

Kawlram thawn pehtlaihnak a tuah duhtu cui ram pawl cu Bosnia & Herzegovina ram, Malawi ram, Bhutan ram, United Arab Emirates ram, Luxembourg ram, Libya ram, Estonia ram le Dominican Republic ram pawl an si.

Ram dang thawn pehtlaihnak tuah duh a si ahcun Parliament ih lungkimnak lakta a tul tin Kawlram parliament daanbu sungih a um ruangah tuvek in parliament ah thu suah pi a sinak a si.

Kawlram hin acozah lam thu ah pehtlaihnak a tuahmi ram hi ram 103 a si zo. Hi ram ramriat pawl thawn pehtlaihnak tuah ding hi parliament in a lungkim a si ahcun Kawlram hin pehtlaihnak a tuahmi ram cu a zaten ram 111 a si thlang ding.

(Visited 43 times, 1 visits today)

Comments

comments

Comments

%d bloggers like this: