Leitlun Ram Nuam Hril Suak Mipawl

7th October, 2009 
 

Canada PM India A Tlawng Ding 

Canada ram Prime Minister, Stephen Harper cu hmaithla November 14 leh 15 ih Asia Pacific Economic Cooperation (APEC) summit a hmanpi hnuah India ram a tlawngdingih India ram Prime Minister, Manmohan Singh thawn Canada leh India ram pahnih sumdawn tawn awknak leh peh tlaih awknak lamzin an rel tlangding.
 
Canada PM hin Delhi, Mumbai, Chennai leh Huyderabad khawpi pawlkhal a feh dingih India ihsin China ram a tlawngcih ding. 

Leitlun Ram Nuam Hril Suak Mipawl 

Kum 2007 ihsin tuikum tiang leitlun ramnuam  Top Teen hrilsuak mi pawlcu-
 
1, Norway
2, Australia
3, Iceland
4, Canada
5, Ireland
6, Netherland
7, Sweden
8,France
9, Switzerland
10, Japan, 
 
  Hi pawlhi tui dinhmunih leitlun ramnuam ih hrilsuak mi Top Teen an si US hi 13 nak a si ban. Himi ah leitlun ramlian leh ram ropi tamzet an umih UK, US pawlkhal an sumpai man a khungih an lian zet nan  lamzin dangdang ihsi an tah nakah  an ram sungah harsat nakleh nawmlo nak tampi a umve vivo ih cu ruangah culrualih  an hril nakah Top Teen ih an telbanlo nak a si.
 

Isreal Palik In An Kai

 
Isreal ramih Islamic sakhua betu pawl Isreal dodal dingih sawhthup tu Sheikh Raed Salah cu tuizingah Isreal Palik pawlin an kai. Hi Salah hi Isreal leh Arab cithlah pawlh Kahpia a siih, Haifa District khawpi Umm El- Fahm-ih  Mayor hna rakttuan zotu a si. Jerusalem khawpi ih Palik  bawipa Shmulik Ben Rubi cun  Salah hi East Jerusalem ih Wadi Joz ah thusut fiangdingih kaih a si a ti.
 
Himi laiah Jerusalem khaw saklamih Isreal Ralkap leh Palestinian tthalai pawl ih buainak cu nithum lai a rei zo nan zia umlam a pan thei cuanglo ih, Palestinian mino tthalai pawl minung ziangmawzat pungkhawm cun lungto in Isreal ralkap pawlcu an deng ciamco a si.
 
Hi an buainak thu ah Palestinian hruaitu  Saeb Erakat cun  Isreal ralkap pawlcu himi buainak suaktertu ah a puh ih,tu ah hin Isreal ralkap pawlin Palestinian  tthalai pawlhi ziangti hmanin an ti duhlo ih cun buainak tireh khal Isreal Cozah in a tum cuanglo ih, Himi buainak sosang sinsin ih Palestinian  tthalai pawl minung tampi an punkhawm hnu ah kah leh kaih a duh ih a tum ruangah a si tiah  Saeb Erakat cun Isreal a puh.
 

Obama In Ralkap Lakkir Sal Tumlo

 
Afghanistan ramih Taliban pawlin ro an relnak hlawn thla leh do cimit dingih US a thawhnak kum 8 a kimnak caan ih US rorel nak Inn Congress Member 30 tongkhawmaw pawlih hmaiah President, Obama cun  Afghanistan ram ihsi US Ralkap lakkir sal ding leh timal ding thu ah zianghman thu dang ruahman mi a neihlo thu a sim.
 
Himi thu ah US rorel nak Inn ih Congress Member pawlih ngaihdan hi a bangawlo nasa ih, Republican, leh Democrat Party Congress Member hrekkhat pawlin President, Obama ih ngaihdan pawmlo an tam zetih, Republican Party ih Congress Member pawlcun  Afghanistan ih Ralkap kuatbet an duh ih, Democrat Congress Member pawlin  Afghanistan ihsi an ralkap ziang mawzat lakkirsal an duh thu an sim. 
 
Republican Pawlcun Afghanistan ramih an ralbawipa ih dilnak vekin Ralkap kuatbet an duhthu an simih. Congress Member hrekkhat pawlcun Afghanistan ramih an ralkap pawlih dinhmun cu  Vietnam ram an do laivek thotho in sun an hmabak a si tiah an sim.
 
Tu ah hin Afghanistan ramih US ralkap pawlih hnattuan in tthatlam panin umzia a nei tuklo ih ruah a si ruangah, Afghanistan ramih US ralkap hotu General, McChrystal cun  ralkap 40,000 kuatbet dingin  US Cozah a dilih,  Himi thuhla hi US Cozah thu neitu pawlcun tuikar cemzawng hrawngih an relkhawm zum a si
(Visited 132 times, 1 visits today)

Comments

comments

Comments

%d bloggers like this: