LEITLUN RAM HRUAITU NUNAU ROPI 19

LEITLUN RAM HRUAITU NUNAU ROPI (19)

( Political Leaders)

              ( Ramkhelhnak Lungput Pical Neitu Laimi Theihkaunak Bawmtu A Si Thei Pangah)

                                                                                                                                Timlamtu: B. Lallianthang

Aizawl, Mizoram

 

Kum Zabi 21-nak a hersuahawk cun Leitlun ramkip hi zoh sehla nunau, ram hruaitu ropi zetzet kan hmu thei thlang. Tubai S. Afirica… lam independent hmuhtheinak ih a sulsutu ropi khal nunau kum 60 hrawng mi a si kha.Tuisan ah cun fala an ti hrih lai. US Hilary Clinton khal leitlun pum huapih ngaisan bik mi ah an hril ta riai, Pu Obama thawn.

1.   JOHANA Sigurdardodottir 

Leitlun ram hruaitu nunau ropipawl lak ih tawkahur (gay) umsun cu, Prime Minister of ICELAND hi a si. A hmin cu, JOHANA Sigurdardodottir an ti. Hi minasa zet hi vei 8 rori an hril sal zo ih kum 68 a kim ve thlang nan, tuisan ah cun tar lampangah an ret lo.

5655181-helle-thorning-schmidt

Helle Thorning- Schemidt

Nunau zianghmanih siarlonak, Muslim ruhbikpawl ram rori ah 2009 kum January Ni 6 ah hinu hi Prime Minister bak ah an hril ve riai. Sungkaw vansia kan ti ding maw si? Bomb le meithal in vei tam tuk an beih hai ruangah an innsang member ih mi 17 lai cu mi kutin an thi zo. Harsatnak a thuahthuah in a tawng camcin ih amah khal hi that dingin an bawh ringring ve ko. Politician mibawrhhlawh taktakpawl le eithuppawlin an hnaihnawk nasa tuk nan hnaṭuan phurrit hleicepawl hi a phur ringring thei lai ih mihratkhawkheng rori a tling tiah an ti. Tubaite khalah mipathum in thah an tum nan a luat thei hrih a si hi.

3.Roza Otunbazeva ( President of Kyrgyzstan).

An ram ih nunau President hmaisa bik si dingin July Ni 3 2010 ah lâkluh a si ih Communist Party tumpi ah Second Secretary hna khal a rak ṭuan rero zo.

4.Ellen Johnson Sirleaf (President of Liberia).

A nih hi zirnak lam khalah a nasa. Leitlunpum huap University-pawl lak ih a ṭha bik ve mi Harvad University ihsin Public Administration Masater dgree a ngah thei. Mikip zalennak le pumkhatnak ngaina bik mi a si ve ih an ram economic dinhmun khal a ṭhansotir thei zet ih hleiah mino tampi hna ṭuan ding khal a tuahsak thei. 2006 kum Jauary Ni 6 ihsin an ram President ah an hril.

Roza-Otunbazeva

Roza-Otunbazeva

5.Iveta Radikova ( Prime Minister of Slovakia)

2010 kum July Ni 8 ah an ram nunau Prime Minister hmaisa bik ih an hril lawng si loin, 2005 kum khalah Comenias University ih Professor of Sociology ṭuan theitu mihmaisa bik a rak si zo. Politics lam ih a rak luhtir 1990 ah kha cun mipi ṭangrualpawl ih spokeperson a rak si.

6. Dalia Grybauskaite (President of Lithunia)

2009 kum July Ni 12 ah an ram President ṭuan dingin an hril. Lithunia ram ih nunau president hmaisa bik a si ih a hmin ah ‘Iron Lady’ ( mi-hrokual ) ti mi a si ve. Nunau awmnemte khi a si nan, a taima tuk ih hleiah lawt khal a law taktak a si; a luhlul zet ruangah harsatnak tampi lak khalah a zâm dah lo. Zirnak ṭha sawn a buaipi nasa ih an ram economic khal a thupittir bik mi pakhatah a ret. Cuitlunah an ram ṭhalaipawl khal Leitlunpum huap ih hman tlak si thei ding kha a tumtah bik mi a si thotho. A nih hi Academy of Social science of the Central Committee of the Communist party of the Soviet in Political Science ah Ph.D a ngah.

7. Micheline Anne-Marie Calmy-Rey( President of Switzerland).

A nih hi Leilungtlun ram nuam bik an ti mipawl lak ihsin an President veihnihnak hrangih an hril mi a si. 2011 kum January Ni 1, Kumthar Ni rori ah an hril sapbai. President a ṭuan hlan ah hin  Council of Women World Leaders ah member, sungṭuan a rak si dah. Switzerland hi Mizoram MNF hruaitu Pu Zoramthanga khal hin a uar tuk lawmam ih, “ Mizoram hi Switzerland of the East ah kan tuah ve ding” ti hi a au hla bik a si ringring lai aw.

8. Cristina Fernandez Dekirchner( President of Argentina).

A nih hi An ram President thi zo mi ih nupi kha a si. Hi nu hi Dan (Law) thiam mi a si ih National University of La Plata ihsin degree hmu thei a si. 2007 kum December Ni 10 ah President ah an hril ih an hril ṭheh leveten an ram sumpai dinhmun remṭhatnak hrangah policy ṭha zet a duangsuak cih.

Mifarah khaisannakah theihpatawp suah cingin politics lam ih mibawrhhlawhpawl khal a thianfai hluahhlo hai. Hivek ih a ṭuan natsat tuk ruangah an ram khalin a ṭhansohpi nasa ih, Leitlunpum sumpai ih kan buai ṭheh lai khalah annih hi cu an buai tuk lem lo a si kha. A hnaṭuan hi a tlin tuk ih hleiah a zuam nasa tuk ti-in tubai an hrilawk khalah neh zetin a tling hrih thotho.

 

Sheikh-Hasina

Sheikh-Hasina

9. Julia Jillard (Prime Minister of Australia).

Hi nu hi a ram Labor Party ihsin 2010 kum June 24 ih hril mi a si ih, Dan (Law) lam ih mithiam a si. Politics lam ih a hman awk hlan ah hin reipi public service lamah a rak hmangaw zo. Ramdaang thawi pehzawmawk lampang hi a thupittir nasat ruangah USA in Afghanistan ih beihpi a thlak khalah khan hinu hin a ṭanpi nasa a si kha. An ram mipi hin an ngaisang tuk ih tutiang ah cun mipi thinlungah a cungnung tuk hrih lai.

 10. Dilma Rausseff( President of Brazil)

Leitlun ram tumbikpawl lakih a palitnak rori a si thei mi ramah 2011 kum, kumthar Ni-January Nikhat kherkher ah khan hril a si ve riai. Federal University of Rio Grande Do Sul ihsin economic degree a zirsuak a si ih, hivek ruang khalah a si ding an ram economic hrangih a beih natsatnak rahsuah cun an ṭhansohdan cu a zam in a zam ti theih a si. Tu ah tla cun Leitlun ram lianbik a 7-nak rori ah a khaisangpi thei ih hleiah a hmalakdan hi Leitlunpi khalin a lawm nasa.

Sumdawngpawl an zalennak ding le an kut hnuai ih hnaṭuanpawl an himnak ding si seh mifarah tundinnak ding le loneitupawl hamṭhatnak khalah ‘ electricity’ lampang tiangin hma a la nasa ih hleiah nunau diknak covo humhalhnak khalah nasa tak ih hmalatu minasatuk a si tiah an ti.

11. Jadranka Kosor(Prime Minister of Croatia).

An ram in Prime Minister nunau an neih hmaisa bik mi, 2009 kum July Ni 6 ih an hril mi a si. Tui hlan ah cun Journalist a si ih neta lam ah Dan (law) a zirsal. Cabu hminthang 4 lai a ngan zo ih European Community for Humanitarian Work hnen ihsin cawimawinak ‘Award’ khal a dawng theitu mi nasatak a si ve.

12. Helle Thorning- Schemidt( Prime Minister of Denmark).

European Studies ihsin Master degree nei a si ih 2011 kum October Ni 3 ah Prime Minister ah an hril. Miralṭha hminthang a si vekin an ram economic remṭhatnak dingah milianpawl le sumdawng milianpawl hnen ihsin siah tampi a khawng ih, hi siahkhawn mi tangka hi ram mipi bawmnak hrangah le mifarah dinsuahnak policy ih a hmang tam bik ruangah an ram cun hma a sawn nasa tuk a si.

13. Tarja Halonen ( President of Finland).

A nih hi University of Helsinki ihsin Dan(Law) a zir hnu ah politics lamah a lut ih 2000 kum Marh Ni 1 ah an ram President ih hril a si. Leitlun ramkip ih nunau dinhmun ngaipawimawh nasatu a si ruangah mitampi ih ngainat tuk mi a si ve.

14. Angela Merkel ( Chancellor of Germany )

Anih hi zirnak lamih micungcuang a si ih 1990 ah khan University of Leipzig ihsin Quantum Chemistry ah Doctorate a ngah. Cu mi hnu a rei hlanah politics lamah lut cih in milartak ah a cang lohli. A larnak san bik ih an rel mi ah cun, ṬUANPI  THEI  LO  MI political party group a nei riai lo ti hi a si. Euroup rampawl zawmkhawmawknak khalah mipawimawh bik pakhat a si thei.

 15. Pratibha Devisingh Paṭil ( President of India ).

Nunau dinhmun a niam zet mi India rampi rori ah a hmaisabik nunau president si ding dingin 2007 kum July 25 ah an hril ve riai. Political Science ah master degree ngah thei a si ih hleiah Sih-ni (Lawyer) khal a si fawn. Kum 27 a kim in Politics ah a lut ih nunau dinhmun ngaipawimawh bikin a ṭuan nasa. Ca zirnak lam hi a thupittir tuk ruangah India nauhak hmuahhmuah a lak ih ca zir thei ding hi a thupittir bik mi pakhat a si.

16.Atifete Jahjaka ( President of Kosovo ).

Anih khal hi Kosovo ram ih nunau President hmisa bik si dingin 2011 kum July Ni 4 ah an hril. An hril kum ah hin kum 36 mi fang a si ruangah Leitlun rampum hruaitupawl lak ih nauhak bik sinak  ‘record’ ah an ret cih. Parliament ih thu a rel hmaisa bik ah, hi ti hin a sim, ‘Kosovo ram ih a saduhthah mi ah cun Euroupean Member ih luh hi a si ih, USA thawi rual ṭhatawk ringring hi a si fawn; hi mi hi  thil cang thei a sizia a zum lawngin ka zum a si lo ih a fiangin ka fiang taktak a si’ tiah a rel.

17. Kamla Persad Bissessar ( Prime Minister of Trinidad and Tobago)

A nih khal hi ca thiam zet a si ih Arthur Lok jack Gradute School of Business pawlin Business Administration ah Master degree an hlan mi a si ve ih 2010kum May Ni 23 ah an hril. An ram politics a buai tuk ruangah harsatnak tampi a tawng ih dotu khal a tawng tam nasa; politician bawrhhlawh zetzetpawlin an hnaihnawk nasa nan, nunau ropi tak a sinak cu a langtir thei deuhdeuh sawn a si tiah an ti.

18. Laura Chinchilia ( President of Costa rica)

Hi nu khal hi ca thiam thei zet a si ih Georgetoen ihsin Public Policy Master Degree hmu thei a si ve. 2010 kum May Ni 8 ah  hril mi a si ih, a hmaisabik ih a thupittir bik mi ah cun, an ram sualnak nasa tuk ( crime) do-neh rori ih an ram sumpai dinhmun khaisan kha a si. Tu tiang ih a hmalakdan ah cun ram mipi an lungawi nasa.

19. Yingluck Shinawatra ( Prime Minister of Thailand ).

Hi fala mawi zet hi a unaupa Thaksin Shinawatra ( anih hi kaih ṭih in ramdangah a relh hrih lai) dung thlunin  2011 kum August Ni 5 ah Thailand Prime Minister ih hril mi a si. Hi nu hi USA lamah ca a zir ih 1991 kum ah khan Kentucky State University ihsin Public Administration ah Master Degree ngah thei a si.

Hna ṭuan a thawh leveten hnaṭuan hlawh man a sangtir ih Wireless service khal a pesuak ṭheh ih tlunah zirnak tlawng hmuahhmuah khalah ‘computer tablet’ a pe thluh mai. Mikum India a ra tlawn khalah a hmel le a mawi tuk si ih Kala putarpawl khal a mak i mak in an turcai nasa; putar hrekkhat cun awlawksawng in an zoh khawp lo a s kha maw; Kala putarpawlih saduhthah tum bik an rel theu mi ah cun, ‘ fala mawi zet thawi pangpar hmuan ih lam ciamco hi a si nan, cuvek cu a tak ram ih thil harsa tuk a si ruangah’ an ti vek deuh hi a si hmang ding.

THUNETNAK:

Hi ka lakkhawmnak Magazine-pawl hin ‘Aungsan Suhci’ an teltir ve lonak san ih ka ruah mi ah cun, president-pawl le Prime Minister deuh ih an hril hai ruangah a si ko ding tiah ka ruat. 7th January 2013 Monday 7:30-8, A.I.R News ah cun Leitlun pumhuap ih ngaisan mi ah Aungsan Suhci khal cu a tel thotho nan. Ziangkhalle Suhci hi cu Leitlunpum huap ih theih ṭheh mi a si pâm.

Ramruah lungput picang neitu Laimi zatei nunkhua sau hram seh law

Comments

comments

Comments

%d bloggers like this: