Leitlun Paisa Picang Hrekkhat ih Hminsinnak

LEITLUN PAISA PICANG HREKKHAT IH HMINSINNAK ($ £ € ¥ )

Lal Ram Lian

DOLLAR ($)10559814_10203602259589962_7949933975458100077_n

American Dollar hminsinnak ziangti’n a ra thawk ti hi fiangfaitei’ theih a si lo. Oxford Dictionary Online ngandan vek a si le Spanish-Mexican Peso laktawi ‘Ps’ ngandan ihsin run cawnmi a si hmel. Himi hminsinnak hmaisabik cu 1770s American le Spain sumdawnnak ngankhummi ah hmuh theih a si.

Rintung pahnih thawn pehparawin ruahdan lar zet pakhat cun “United State” thawknak cafang pahnih “U le S” kawmkhawmmi,” ti a si. Ruahdan dang pakhat ah cun Spanish ralkap kawr ih benmi Gibraltar pahnih a khihmuh, an ti.

POUND (£)

British Pound hminsinnak rung suahnak bulhram cu Roman thilrit tahnak (unit of weight) hmin a si mi Latin ṭawngfang “Libra” ihsin a si. Hlanah cun pound fang khat hi ngun (silver) pound khat cekci thawn an man a bangaw.

EURO (€)

European Commission ih simfiangnak vek a si le Euro paisa hminsinnak cu Europe timi ṭawngfang ih cafang hmaisabik “E” ngannak Greek cafang “Epsilon” ihsin lakmi a si. Cun rinphei pahnih cun paisa ih hngetkhohnak a khihhmuh. Euro paisa hi 1999 ihsin hman thawk a si. Himi paisa thar kawmpiuṭa ih retnak ruangah Europe kampani pipawl US$ billion 50 lenglo an cem, ti a si.

YEN & YUAN (¥)

Japan paisa “Yen” le Tuluk paisa “Yuan” cu an hminsinnak hmanmi a bangaw. “Yen” le “Yuan” cu anmai’ ṭawng vevein “Thil Hlum / Bial” (round object) tinak a si. Hminsinnak cu cafang “Y” parah hrambun a si.

RUPEE ( )

India paisa “Rupee” hminsinnak hi 2010 lawngin an hmang thawk. Himi hrang zuamtu 3000 lak ihsin an hril ih Indian Institute of Technology tlawngta Mr. Udaya Kumar ih suaimi a si. A suai man ah lawmman Rs 250,000 (S$7350) a ngah.

A pianhmang cu cafang R, a thawknak rintung hlawnmi le a parah rinphei pahnih betmi thawn a bangaw. Himi hminsinnak cu India zung ṭawng (official language) Hindi ngannak ih an hmanmi Devanagary cafang hrambunin malte danglamter mi a si.

* Straits Times, 17-7-10

(Visited 216 times, 1 visits today)

Comments

comments

Comments

%d bloggers like this: