Leitlun Nunau zatek 33 In Fimzirnak Neilo

Leitlun mipum siarih minu ṭhenthum ih ṭhenkhat cun zirnak lam an duhlo tiin Rudi Klausnitzer nauhak ṭhansohnak pawlkom tumbik Plan International sungtel pakhat cun a ti.

United Nations International Day of the Girl Child timi nauhak minu hrang ih a hmaisabiknak hrangih an ni hleice tiih an tuahsak mi kan dungzarh tlawngkai nili ni ah “Ziangah tile keicu 2012 minu ka si” tiih thulu an tuahmi ah a sim.

Plan International pawl hin Africa ram ih ramkulh ṭhen sarih ah ziangtluk in cauk, cafung, uniform pawl sambaunak a  dang thawn an  nei timi khal zingzoinak an nei.  Culawng siloin leitlun ram ṭhen tampi khalah naupainak ruangah, ihpitnak ruangah le thil dangdang ruangah minu pawl in fimthiam zirnak an bansan tiin an tarlang.

Liberia ram ih tlawngkai minu ṭhen thum ih ṭhen hnih pawl an suhnakah kumhnih ah amalbik pakhat tal minu in nau an pai ti a si. Ghana ih nu le pa zatek 83 pawl in an fale te tlawngkai nak ihsin nau an pai ding an phan bik thu an sim.

Rawlpamnak le retheinak pawl hi nu le pa ih buainak a siih duhhrilnak in fanu lole fapa tlawngkai ter ding ahcun fapa hi a tamsawn nu le pa in tlawng an kai ter ti a si. Hivek a si ruanga minu pawl in zirnak lam ah an tlaniam ih leitlun zatek 33 in zirnak ṭha an neilo.

(Visited 31 times, 1 visits today)

Comments

comments

Comments

%d bloggers like this: