Leitlun Nu Pawl Ih Ni Sunloihnak Ah Ramkhel Lamih Cangvaitu Pawlih Nupi Pawl Laksawng Pe

nu pawl
May thla zarhhnihnak colhni ih hmanmi Leitlun nu pawl ih ni sunloihnak ah nubu pawlkompi (Myanmar) (WLB) le nu pawlkom pawl (WON) kom-aw in May 18 sun, Yangon khawpi, pyi lamzin par ih um Singlansupyi parduum ah an tuah ih ramkhel lamih cangvaitu pawlih nu le nupi pawl laksawng an pek thu theih a si.

Puai tawlreltu (WON) ih pehtlaihnak lam thuneitu Daw Cherry Ung cun, “Leitlun nu pawl ih ni cu may thla zarhhnihnak hnu lam remcan ni ih tuahmi a si. A ni cekci ti a um cuang lo. Kannih khalin rampi sumtuahnak, ramkhelnak dinhmun karlak ah nupi țhațhum, nu tlamtling si in hnget zetih a dingtu ‘nu’ le pawl upat sunloihnak kan pek duh hrimhrim ” tiin a sim.

Sunloihnak laksawng a dongtu tlawngta hotu Ma Phyo Phyo Aung ih nu cun, “Kei cu hivek puai veikhat hman ka feh dah lo. Asinan nu dang pawl keimah vekin rampi uknak țha lo hnuai ah tuarnak tampi thawih a um-tu pawl hrang thazang si thei dingin ka rak kaimi a si. Nu timi hi atu vekih sunloih co tlak kan si ti hman thei aw loih nunnak hrang ruatih hnațuanmi kan tam” tiin a sim.

Hih puai ah tlawngta hotu Ma Phyo Phyo Aung ih nu, zalen thuthang latu Ko Pa Kyi ih nupi telin ramkhel lamih upat tlak pawlih nu mi 7 pawlin sunloihnak laksawng an dong.

Hrm – Mizzima

Comments

comments

Comments

%d bloggers like this: