Leitlun Nau Thla Tambik Vietnam

downloadA liamci kum (40) hrawng, Us-Vietnam ral cem in Vietnam Harhdamnak Ministry cun an ram mipum ziangzat kan um ti ruat lo’n innsang khat nau pahnih lawng neih ding dan a rak fehpi.

Pasal neizo cun nau pahnih a neih hnuih an paisalmi cu sizungah zalen in nau thlak theinak an rak pe. Tuini ah Vietnam cu Asia le Leitlun ih nau thla tambik ram dinhmun a thleng. Hanoi’s Central Obstetrics Hospital ih sibawipawl simdan ah Vietnam naupai za ih sawmli in kumtin nau an thla tin report an pe.

United Nation Family Planning agency (UNFPA) cun pasal nei 78% cun a phunphun in naupai lonak an hmang a ti. Naupai 2/3 in nau pai lonak an hmang ih culopawl cun an nau paimi an titla tiah UNFPA researcher report cun a tarlang. “Family planning a san poh le nau titlak a sang si ko” tiah Vietnam ram UNFPA palai Arthur Erken cun a sim.

Culawng si lo’n Vietnam ram ah pasal neilo fala tampi cun an nau paimi cu Cozah Sizung ah thlangam lo’n Private Sizung ah an thla theu. Cuipawl cu a tlun ih tarlang mi ah an tello. “Counselling thate tuah lo ngai cun ziangti hman in kham theih a si nawn lo ding. Vietnam dan vekah a cang zo” tiah Nguyen Thi Bich, MSI tuanvo neitu cun a sim.

Rampi cozah cun tui an dinhmun thei in tlawngta pawl cu Sex lam thu tampi zirh dingin an timtuah. Asinan, Nu le pa pawl cun an fa le tlawng rori ih Sex thu an zirh ding cu subject hmin ah ziang an hmang ding tile a thulu ah teh ziang an hmang ding timi ah an buaizet. Vietnam ram hi hlandan (Conservative) uar ram an si. An miphun ih an hmanmi dan pawl thleng hnuaihni duh lo miphun an si. Kumkul lenglo an mipi in dan vekih an rak hman zalen mi Sex hman nawn lo deuh ding le nauthlak nawn lo ding timi pawl hin an thinlung a tibuaizet. Tulaifang ah Pasal neilo nau thla hi nasazet in an karh ciamco betbet.

Ziangkhal a va sile Vietnam cun Leitlun nau thla tambik ram sinak mualphotak ih an cocun an hruaitu pawl lu a tizing in nau thlak khamdan ding nasazet in an ruahphah. An society sung khalah hi thu hin hmun a luahzet. An ram hruaitu pawl cun Pasal nei hrih lo tleirawl nauthla hrimhrim an tamtuk hin an miphun sinak kiang le kap ah a ti hminsia hi ti danglamnak zin an hawl rero. Tui dinhmun ahcun,ziangtivek in Sex hman ding, naupai lo ding dan tivek in fehpita an tummi a si.

– Run Sum Sin

(Visited 798 times, 1 visits today)

Comments

comments

Comments

%d bloggers like this: