Leitlun Minung Niam Bik Pa Thawn!

Nepal ramih tlangval pakhat Khagendra Thapa Magar cu mizan sunah kum 18 a kimih minung upa ih ruah a si ruangah leitlunih minung niambik ih puan a si. Magar kum 18 mihin  a mah hnakih Inche 2 ih sang leitlunih miniam bik record rak cotu Colombia rammi Edward’ Nino’ Hernendez hnen ihsin leitlunih minung niambik record cu a laksak thlangih, Guiness World Record khalin an pawmpi.

Khegendra Thapa Magar hi feet 2 leh inche 4 leh a hrek Centimetre 67.08 a siih, Kg 6 hrawngih rit a si. Guiness World Record cun tui kandung zarh ah khan a umnak Inn ah an rakzohfiang zoih leitlunih miniam bik record ah an rak retzo.

Hi miniam danglam zethi Nepal ram Himalaya tlang rite Pokhara khua ih um a siih,, A liamcia kum 4 ah khan sumdawng  pakhat in a rak hmuiih, midang hnenah a rellang vivo ruangah mi tampi in an thei vivo. a pa hi Rup Bahadur Thapa Magar a siih thingthei zuarih pumcawm a si, a pa hin a fapa cu leitlun mi danglam tiih theihmi asi cu a lungawi umzet a si tiah Phone in CNN a sim.

(Visited 28 times, 1 visits today)

Comments

comments

Comments

%d bloggers like this: