Leitlun Khualtlawnnak Hrang Ih Passport Huham Neibik Ram


Leitlun khualtlawnnak ding hrangih Passport thabik le huham neibik pawl cu Arton Capital’s Passport Index timi pawl in kumtinte in an hril theu. Tuikum ih an hril mi lakih thabik le huham neibik cu Germany le Singapore an siih sebik cu Afghanistan a si. Kan ram Myanmar cu 85 nak ah a um.

An tahfung pawl ahcun ram ziangzat ah visa tulloin an lut thei timi le an thlennak ram ah dilcianak um loin visa lak cih theih a si maw? Ziangtluk zalen le rei an um thei timi pawl an hmang.

Germany ram hi a thabik ram a siih, Singapore thawn an tlukaw. German mi pawl hi ram 125 ah visa tullo in an tlawng thei ih Singapore mi pawl in 122 ah an tlawng thei. An tlukawknak san cu Singapore mi hi ramkhat an thlen vete ih visa dil theinak (Visa-on-arrival) ah 37 an ngahih Germany hi 32 lawng a si.

Chin mi umtamnak pawl ih dinhmun cu USA – 3, India – 77, Malaysia – 4, Canada – 5, Australia – 6, Norway – 3, Denmark – 3, Switzerland – 4 pawl an si.#

– ST

Comments

comments

Comments

%d bloggers like this: