Leitlun Ih Tawng Hmantam Bik 10

Leitlun Ih Tawng Hmantam Bik 10

Ting HLei Thang

Himi tarlangmi pawl hi leitlun ih hmantam bikmi tawng phun 10 an si. An sinak pawl hi Miphun Tawng hmangtu pawlin an sizat le sinak ret dan vekih tarlang a si. Atufang Leitlun ahhin Tawng phun 6900 hrawng a um ih Tawng hmangtu pawlih ret dan vekin a hnuai lam, a mal lam ihsin kan zoh thawk ding.

10. French – Tawng hmangtu : 129 Million

Camkhat lai ih leitlun ram tampi ih an rak duhzetmi le an rak hman tamzetmi tawng cu French tawng hi a si. Belgium, Canada Rwand, Cameroon le Haiti. Oh, France pawl tla in an rak hmang. Frence mi kan si hicu kan van a tha taktak, leitlun ah kan lar tawk ve ti’n an rak ti.

“Hello” timi hi French pawlin “Bonjour” (bone-JOOR) an ti.

9. Malay Indonesian—Tawng hmangtu : 159 million

Malay-Indonesian hi Malaysia le Indonesia tawng a si. Himi hi fiangzet le felfai zetih ret asilo nak cu Malay ah tawng awsuah tampi a um ruangah a si. Asinan lar zetih hmanmi cu Indonesian a si. Asinan an tawnghram cu an bangaw theh. Cumi ruangah leitlun ih tawng hmantam 9 nak tiang ih an tel theinak a si. Indonesia hi hmunnuam le hmuntha a si ih tikulh 13,000 lenglo umnak Ram a si. Cumi cun Leitlun ih Ram hminthang paruknak tiang a thlen phah fawn. Malaysia ih ramri hi Indonesia ih atum deuhmi hmunah a si ih (Borneo tikulh telin) cumile mitam zetih Kuala Lumpur khawpi ti’h an theih lar zetmi hi a si.

“Hello” timihi Indonesian pawlin “Selamat pagi” (Se-LA-maht PA-gee) an ti.

8. Portuguese – Tawng hmangtu : 191 million

Kumzabi 12 (12th Century) lai-ih Portugal pawl Spain kutsung in nehnak co in zalennak an rak ngah ihsin Vasco da Gama le Siangpahrangfa Henry (Prince Henry the Navigator) vek milar zingzawitu pawlih bawmnak in leitlun hmuntinah theih a si. (Thiltha zet asimi cu Hery hi lawng asilole vanzam mawngtu (navigator) ah a rungcang. Na ruat dah maw hi pai hmin? Hi “siangpahrangfa Henry “the Navigator” cu pangpar zuartu “florist” ah a rung cang?) Ziangahtile Portugal cu a hlan ihsin zingzawi lehnak lam hi an rak duh/hmang ruangah si. Cutin an Tawng cu leitlun hmuntinah hman a si vivo ih ahleicein Brazil (Ramkulh tawng umnak), Macau, Angola, Venezuela, le Mozambique pawlah hman a si.

“Hello” ti hi Portuguese pawlin “Bam dia” (bohn DEE-ah) an ti.

7. Bengali – Tawng hmantu : 211 million

Bangladesh ah mi 120+ million pawlin nitin an Ram sungah Bengali tawng an hmang. Ziangahtile Bangladesh cu India in a huap theh zik ruangah si. (Minung an karhzai cak tuk, thlithiang hip men in nauken a theih ti tluk si). Leitlun mi tampi ih zum le ruahnak hnakin Bengali Tawng hmangtu hi an rak tam sawn.

“Hello” tihi Bengali pawlin “Ei Je” (EYE-jay) an ti.

6. Arabic – Tawng hmantu : 246 million

Arabic tawng hi leitlun tawng lakih rei bik/tar bik pakhat a si ve ih Middle East ah hman a si. Hi tawng hmangtu Ram pawlcu Saudi Arabia, Kuwait, Iraq, Syria, Jordan, Lebanan, le Egypt pawl an si. Cubetah Arabic cu Koran tawng a si ve ruangah Ram dang Moslems pawl ziangmawtizat millions lai in Arabic tawng cu an hmang thei theh. Mi tampi’n  Arabic ah hnatuannak lamih theihkohnak thatha an ngah. A si, 1974 ah United Nations ih Official Language a paruk nak ah tuah a si.

“Hello” tihi Arabic pawlin “Al salaam a’alaykum” (Ahl sah-LAHM ah ah-LAY-koom) an ti.

5. Russian – Tawng hmangtu : 277 million

Mikhail Gorbachev, Boris Yeltsin, le Yakov Smirnoff pawl hi Russian millions sungih tawng hmangsuaktu pawl an si ve. A fiang tuk famteh, an nih cu kan ral si cingih kan hnem reromi vekin kan rak ruat ringring si. Tu-ah cun kan hnem reromi kan ral silo kan rual vekin kan ruat. UN Tawng paruk lakih pakhat a si ve, Russian ramsung lawngah si lo Belarus, Kazakhstan le US pawlah tla a si.

“Hello” ti hi Russian pawlin “Zdravstvuite” (ZDRAST-vet-yah) an tin.

4. Spanish – Tawng hmangtu : 392 million

Phunsang tlawngta mino pawl hmuahhmuah ihsin thawk a kiangkap tiangin Spanish tawng hi South American le Central American ram pawlah hman a si. An tawng hi English tawng sanmi a tamtuk ve ruangah Sapain cu rel lo, Cuba, le U.S pawlah Spanish tawng uartu an tamtuk. Tornad, bonanza, patio, quesadilla, enchilada, le taco grande supreme pawl khalah hman a si.

“Hello” tihi Sapanish pawlin “Hola” (OH-la) an ti.

3. Hindustani – Tawng hmangtu : 497 million

Hinduis hi India mibur tampi ih hmanmi tawng a si ih cui an hmanmi tawng (hman tam bik asimi Hindi ) cu mi neh zettu a si. Hindi tawng thiam na cak ih malte na zir duh asile, a awl tuk. Indian movie kha sang awla zoh aw. India film pawl hi industry lamah India ih fehsuak cak bik pawl a si. Action/romance/musicals pawlhi kumtin in a thawngtel in an tuah/suah.

“Hello” tihi Hindustani pawlin “Namaste” (Nah-MAH-stay) an ti.

2. English – Tawng hmangtu : 508 million

English tawng hi leitlunih hman tam bikmi tawng si lo hman sehla, leitlun Ram hmuahhmuah hnakin ‘official language’ ih hmantam bik mi a si. Cui tawng cun leitlun pumpi ah hmunla in U.S., Australia, England, Zimbabwe, the Caribbean, Hong Kong, South Africa, le Canada pawl tiangah hman a si. English thu kan lo sim bet ding, asinan cumi tawng umciami cun na hna a lo ngam ter ngaingai ding. English hi leitlun ih tawnglar bik ah kan thawn  pei uh.

“Hello” tihi English pawlin “What’s up, freak?” (watz-Up-freek) an ti.

1. Mandarin – Tawng hmangtu: 1 billion+

Mangbangza, mangbangza, mangbangza ngaingai a si. Leitlunih hman tam bikmi tawng cu leitlun ih mipum tambik hramttohnak China a rak si. A pahnihnak ih a dingmi English cu ½ tluk in a hleih niahniah a si. Asinan Mandarin hi awl-ai tei zir/thiam theih dingah ruat hlah. Mandarin tawng hi a har ngaingai, ziangahtile (or “tones”) awsuah ih sinak timi ah hin  phunli a um ih hramthawk zirtu (beginner) cun cui awsuah ih sinak pawl cu pakhat ihsin pakhat thlengah hin buainak a tawng ding.  Asinan 1 billion lenglo hmanin an hmang ko si, na ti thei tuk ding. Hello! Tihi vun ti san hnik…

“Hello” timi hi Mandarin pawlin “Nihi hao” (Nee Haow) an ti. (“Hao” tihi awsuah khat (one syllable) a sinan na sal tikah a laitak na thlen ciah in na aw kha na cawl ter ding, cun a cemnak ah na hun saang ter sal ding.

 

 

(Visited 279 times, 1 visits today)

Comments

comments

14 Comments

  1. Hello rual Talpi na ngan tha tuk ual.
    Mak lawlaw.

  2. Rual Ting
    Na ngan ttha tuk. Ka theihnak a kau phah na sa. Lungawi.
    A dang tla ngan hrih aw.

  3. Rual Ukte Le Mazawn,

    Lungawi…

  4. Phun Za Pum says:

    Na ngan ttha na sa!

    A dang tla tam pin rak ngan hrih aw kan hlawk pi zet ding.

  5. Joel Lalcungmang says:

    Hi vekih Ca ?ha hi siart a manhla zet!
    A ngantu ih teimaknak kan rak dongsong ve nasa.
    Lungawium tuk!

  6. Thazang in petu le duhsaknak in hlantu Rual le pawl…lungawituk.

  7. si ee kan thu theih nak a kau phah rori..Kan falam tawng in Hello khi helo kan ti..:D

  8. step khat ka tthangso ka lungawi e.

  9. US mirang pawl in: Hello ti hi..hello, hey, hi, what’s up an ti..
    British english pawl cun ; hello ti mi hi: hello, ay.up,wotcha, tin an greeting nak ah an hmang..Freak ti mi zo hman in an hmang lo: Mi na va greet nak ih Hey freak..na va ti len, phaat tin na hmai ah an lo beng ding..

  10. Hello= freak…..tivek ka thei dahlo….

  11. Dear safe le Joe Cuana

    A singai, (freak/freek) timi hi a rak um lo ngaingai maw kan rak thei famkim lo deuh lehlam???

    Current ih thilcangmi le kan kiangkap or theihbancin, kan zoh bancin thuanthu hnihkhat lawng zoh in a Rampi huap thu rel lawkmai teh a fair cuang kem???

    Cahram nan rak siarnak le ngaihvennak, khawmen nak parah lungawi tukssss…..

  12. Ting Hlei Thang,

    Khoiram ah na um ti ka thei lo ih, mirang t’ong rori hmannak ramih na um a si ahcun ‘Freak’ timi t’ongfang hmannak cu na thei tuk ko ding..

    Ram dangah na um a si khale, mirang t’ong le ca thiam na si ko ih, cabu tampi le movie tla zoh awla ziangvek ah “freak” an hmang ti na hmu mai kolo ding maw?

    Kan lo el ciamco nak silo in, a siartu mipi pawlin thungai ah an rak ruat keih, US lam an ra thlen veten an hmuh mi pohpoh, greeting nakah “freak” an ti ciamco cun kan buai t’heh ding lo sawm…tiah men…

    Joe

  13. Joe Cuana

    Khami Hello timi thuah “Freak” timi lawng tarlang a si lo kha. “What’s up, freak?” (watz-UP-freek) ti a si kha.

    Cun “Freek” timi hi Mirang ngaingai in an hmang lo ah na neih ruangah ka lo comment salnak a si. US um ruangah Mirang tawng Update theih a har a si hi maw, Mirang tawng a fehcak daan hi rak zingzawi awla locun US umman na nei lo ding. Ziangvekah “freak” timi an hmang titla maltetal rak zingzawi he. Mirang tawng hmannak rori umih mirang tawng Update taktak nan theih locun umman thathnemnak a mal ding bangi…..asinan “freak” tihi normal/vatlang hmanmi cu a si lo..asinan umlo, zohman ih hmang lo vekih na rel ruangah a um thu ka lo sim. Mirang Ca hi leitlun ih Cakau/tawngtam/thiamthluh har le theihcawk lo a si kha hngilh lo ten….keitla Mirang cu ka thiam lo tuk…..

    Himi “Freak” timi thuah na zum lo pangah a mi rang Cahram ka lo kuat cih….Mirangsuak mirangmi felfel cathiam taktak pawlih nganmi a si…a hnuaiah…

    2. English – Number of speakers: 508 million
    While English doesn’t have the most speakers, it is the official language of more countries than any other
    language. Its speakers hail from all around the world, including the U.S., Australia, England, Zimbabwe, the
    Caribbean, Hong Kong, South Africa, and Canada. We’d tell you more about English, but you probably feel
    pretty comfortable with the language already. Let’s just move on to the most popular language in the world.

    say “hello” in English, say “What’s up, freak?” (watz-UP-freek).

    Na zum cuang lole personal mail ah i rak sut sal thei…,
    Lungthianten
    Ting Hlei Thang
    Philippines

Comments

%d bloggers like this: