Leitlun Ih Sakhua Zelen Lobik Ram (8) Pawl

United State cun Leitlun ram tin an zingzoinak ihsin sakhuanak zalenlobik tiih an hmuhmi suahmi ram pawl cu tarlannak an nei.

State Department International Religious Freedom Report cun ram pariat (8) a hrilsuak ih sakhuanak ih zalennak an neihmi pawl khamciin an nei tiin “a hleice ih ruahharmi” tin a ti hai.

MYANMAR (BURMA)

Kawlram ralkap miuk cun daan bulhram thawi pehpar in sakhua zalennak cu khamcin neiin a tuah ih Buddhist sakhua hotu upa pawl ih thuneihnak le lalnak ruangah minung covo le ram khelnak ih zalennak cu khamter a si hrih tiin ngankhum a si.

Acozah pi cun Theravada Buddhism (Phungki pawl Biak nak) cu nasa zet in an cawisang ih tlangpar mi pawl le tthalai nonawn, tlawngta pawl cu an sakhuanak ih luhter tum in nawrnak nasa zet an pe tiin ngan khum bet a si.

Ngankhumnak ih an sim dan ahcun “Khristian pawl le Islamic pawl cun an biak inn le an ram pawl tuahtthat ding le a thar sak ding ah siannak lak a tul tin’ an sim. A hleice in Muslim Rohingya hnam nauta pawl in thliarhrannak nasa zet an co ti khal cun an hminsin tel.

CHINA

ngankhumnak ih a sim dan ahcun July 2006 kum ih Muslim Uighur pawl ramthu ruangih buainak a suh hnu ihsin Xinjiang pawl parah China communist a cozah cun nekcepnak nasa zet in a ti pung ti a si. Ahleice in hivek ih sakhua nekcehnak hi Tibet ram ah a luar ce ti a si.
NORTH KOREA

North Korea hi leilungtlun ih minung cozo rapbet tu leh hmuhsuamtu bik tu tiih sim a siih hi hlei ah sakhuanak ih zalennak khal ziang a siar lo tel tiin ngankhum a si bet. “sakhuanak ih zahder awknak a cozahin pakhat hman a nei lo ih mimal ih sakhua le zumnak an duh hriltheinak tiangin a cozah cun rak rolh aw in thuneihnak a nei tiin hminsin a si. North Korea ah sakhuanak ruangih camp ih khum mi-mi 150,000-200 an um ding zum a um ti a si.

IRAN

Sakhua tizah ding le zalennak dan cu a pe ko nan a cozah le sakhuanak thu ih puanzarh awknak neih cu kham a si.

SAUDI ARABIA

Sunni Islam cu an ram pumpi ih sakhua pompi mi a si. A mahlawngte ram an pom duh ah maw duh lo ah maw sakhua duhhril theinak cu zalen zet in a pe ih mahten a thup te ih biak theinak a pe.

SUDAN

An daan bulhram pi ahcun sakhua zalennak cu siannak cu a ram pumpiih hman sian a si. Sudan’s constitution allows for freedom of religion throughout the country. Islam cu duhsaknak an pe. Ngankhumnak ih a sim dan ahcun kum dang vek silo in Khristian pawl khal an biak inn ah khawmnak an hmang thei ve thlang ih an ni sunglawi pawl khal an hmang phah thei tin an sim tel bet.

UZBEKISTAN

Asian khawmual ih ram laili bik ram hin covo tampi khamnak a neiih ahleice in zumnak thuhla lam sim ton awk, zirh awk tonnak pawl sian a si lo. Hi khamnak hi sakhuanak ih hmincazi pe aw pawl hrangah a hleice ih covo khamnak tuah a si. Acozah dokalh zawng ih phunzarh awknak nei tu hminkhum lo sakhua zumnak pom tu ih a rel ahcun an puh mi pacu thawng thlak theih cih a si.

ERITREA

Africa ram a kikawng thatnak tiih theih lar mi ram a si.  Aram sungah Khristian le Muslim tiin an then aw ih 1997 kum ih an daan bulhram pi ih sakhua zalennak cu tu ni tiang an hmang thok hrih lo.

(Visited 67 times, 1 visits today)

Comments

comments

Comments

%d bloggers like this: