Leitlun Hmun Tinkim Ih Buddhist Hruaitu Pawlin Kan Ram Buddhist Pawl Cakuat

Leitlun hmun tinkim ih um Buddhist biaknak hruaitu pawlin kan ramsung um Buddhist pawl hnenah kan ram nitlaknak lamih thilcang pawl tlunah thinsaunak le zawnruatnak nei cio dingah forhnak ca an kuat.

Cui cakuat sungah, Myanmar ram ih kan u le nau Buddhist pawl, leitlun hmunkip ih a ummi Buddhist hruaitu pawlin atu vekin nan ramsung ah buainak siatsuahnak nan tong rero mi ruangah nan zawn kan ruat nasa a si. Nan rampi a thlengawk rero laifang ah miphun khat le khat karlak ih buainak ruangah Rakhine ramṭhen sungih Muslim pawlin nanmah a siatsuahmi hin kan thin a nuam lo a si. Nannih Kawl miphun hi mi nuntluang le nuntha nan si ih, Buddhist biaknak Dharma (Thuzirhpi) khal cu nan thlun ringring ti kan thei.

“Atu ih kan dil duhmi cu Buddhist biaknak ih bulhrampi a simi midang tuahmawh siatsuahlonak hi keng camcin hram uh ti hi a si. Khat le khat upatawk ih ngaithiamawk nak pawl khal neipeh vivo hram uh ti khal kan forh duh a si,” ti’n a ngan. Cun Buddha pathian ih thucah thupi pawl khal cakuat sungah an tarlang.

Cun cakuat sungah, sayadaw maw, phungki nauhak maw, phungki ding ih timtuah rero lai maw, Buddhist biaknak biak menmen mi nan si ah siseh, hi thu pawl hi midang simsawng aw vivo in zirh aw vivo hram uhla, kannih cun Dharma sungin kan lo dingpi ding tiin a tel.

Comments

comments

One Comment

  1. An porh awk dan te a mawi thei nasa naan, an porh awk sual riai. Ramdang ih budish pawl in kawlram ih budish pawl hi an hmu dahlo siding kazum ee.

Comments

%d bloggers like this: